سیدنا علی بن ابی طالب رضی اللہ عنہ فرماتے ہیں کہ نبی اکرم صلی اللہ علیہ وسلم نے ان کو حج اکبر کے موقع پر چار چیزوں کا اعلان کرنے کے لیے بھیجا۔ 1۔ کوئی شخص برہنہ حالت میں بیت اللہ کا طواف نہیں کرے گا۔ 2۔ جنت میں مسلمان کے سوا کوئی نہیں جا سکتا۔ 3۔ اس سال کے بعد کبھی کوئی مشرک حج نہیں کرے گا۔ 4۔ جس شخص (یا قبیلے) کا رسول اللہ صلی اللہ علیہ وسلم کے ساتھ کوئی معاہدہ ہے، وہ سب ایک معینہ مدت تک ہے (اس مدت کے گزرنے کے بعد تمام معاہدے کالعدم سمجھے جائیں گے)۔ ٭٭ یہ حدیث صحیح الاسناد ہے، لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا سیدنا ابوہریرہ رضی اللہ عنہ سے مروی (درج ذیل) حدیث، مذکورہ حدیث کی شاہد ہے۔ [المستدرك على الصحيحين/كتاب اللباس/حدیث: 7541]