سیدنا ابن عباس رضی اللہ عنہما سے روایت ہے کہ ان کے پاس ایک سائل آیا اور اس نے سوال کیا، ابن عباس رضی اللہ عنہما نے اس سے پوچھا: کیا تم گواہی دیتے ہو کہ اللہ کے سوا کوئی معبود نہیں؟ اس نے کہا: جی ہاں، انہوں نے پوچھا: کیا تم گواہی دیتے ہو کہ محمد صلی اللہ علیہ وسلم اللہ کے رسول ہیں؟ اس نے کہا: جی ہاں، انہوں نے پوچھا: کیا تم پانچ نمازیں پڑھتے ہو؟ اس نے کہا: جی ہاں، انہوں نے پوچھا: کیا تم رمضان کے روزے رکھتے ہو؟ اس نے کہا: جی ہاں، انہوں نے فرمایا: سنو! تمہارا ہم پر حق ہے، اے لڑکے! اسے ایک لباس پہناؤ، کیونکہ میں نے رسول اللہ صلی اللہ علیہ وسلم کو یہ فرماتے ہوئے سنا ہے: ”جس نے کسی مسلمان کو لباس پہنایا، وہ اس وقت تک اللہ کی پناہ و حفاظت میں رہتا ہے جب تک اس (لباس) کا ایک دھاگا یا تارہ بھی اس پر باقی رہتا ہے۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب اللباس/حدیث: 7610]