سیدنا حکیم بن حزام رضی اللہ عنہ سے روایت ہے، انہوں نے کہا: میں نے عرض کیا: یا رسول اللہ! ان دواؤں کے بارے میں آپ کا کیا خیال ہے جن سے ہم علاج کرتے ہیں، اور ان دموں (رقیہ) کے بارے میں جن سے ہم جھاڑ پھونک کرواتے ہیں، کیا یہ اللہ کی تقدیر میں سے کسی چیز کو ٹال سکتی ہیں؟ آپ صلی اللہ علیہ وسلم نے فرمایا: ”یہ (خود) اللہ کی تقدیر ہی میں سے ہیں۔“
یہ حدیث صحیح الاسناد ہے لیکن شیخین نے اسے روایت نہیں کیا، البتہ اسے یونس بن یزید اور عمرو بن حارث نے دوسری سند سے روایت کیا ہے اور وہی (نسخہ) محفوظ ہے۔ [المستدرك على الصحيحين/كتاب الطب/حدیث: 7619]