امام ناجیہ فرماتی ہیں: میں عبداللہ کی بیوی سیدہ زینب کے پاس گئی، ان کے چہرے پر حمرہ تھا (یہ ایک وبائی بیماری ہے، جس کی وجہ سے بخار آتا ہے اور بدن پر سرخ رنگ کے دانے پڑ جاتے ہیں، یعنی خسرہ)، میں اس کی عیادت کرنے گئی تھی۔ انہوں نے تمیمہ باندھا ہوا تھا، میں وہاں بیٹھی ہوئی تھی کہ عبداللہ بھی وہاں پر آ گئے، گھر میں کھجور کا ایک تنا رکھا ہوا تھا، جب انہوں نے تمیمہ دیکھا تو اس کے پاس آئے، اس کے اوپر اپنی چادر ڈال دی۔ پھر اپنی آستینیں اوپر چڑھا کر اس کے پاس آئے، پھر انہوں نے تمیمہ کو پکڑ کر اس طرح بھینچا کہ زینب کا چہرہ زمین کے ساتھ جا لگے گا، پھر وہ تمیمہ ٹوٹ گیا۔ اور سیدنا عبداللہ گھر سے نکل گئے۔ اور فرمایا: عبداللہ کی آل کو شرک کرنے کی کوئی ضرورت نہیں ہے۔ پھر وہ باہر گئے اور اس کو دیوار کے پیچھے پھینک دیا۔ اور فرمایا: اے زینب تم میرے پاس ہو کر تمیمہ پہنتی ہو؟ میں نے رسول اللہ صلی اللہ علیہ وسلم کو (شرکیہ) دم سے تمیمات سے اور تولیہ سے منع کرتے ہوئے سنا ہے۔ ام ناجیہ نے کہا: اے ابوعبدالرحمن دم اور تمیمات کو تو ہم جانتے ہیں، یہ تولیہ کیا ہے؟ انہوں نے فرمایا تولیہ اس چیز کو کہتے ہیں جو عورتوں کو لڑائی فساد پر برانگیختہ کرتا ہے۔ (یہ اس دم کی بات ہے جو زمانہ جاہلیت کی رسومات پر اور شرک پر مشتمل ہوتے تھے) [المستدرك على الصحيحين/كتاب الطب/حدیث: 7694]