سیدنا عبداللہ بن عمرو رضی اللہ عنہما سے روایت ہے کہ سیدنا معاذ بن جبل رضی اللہ عنہ نے سفر کا ارادہ کیا تو عرض کیا: اے اللہ کے رسول صلی اللہ علیہ وسلم ! مجھے وصیت فرمائیے، آپ صلی اللہ علیہ وسلم نے فرمایا: ”اللہ کی عبادت کرو اور اس کے ساتھ کسی کو شریک نہ ٹھہراؤ۔“ انہوں نے عرض کیا: اے اللہ کے رسول صلی اللہ علیہ وسلم ! مزید فرمائیے، آپ صلی اللہ علیہ وسلم نے فرمایا: ”جب تم سے کوئی برائی ہو جائے تو (اس کے بعد) کوئی نیکی کر لیا کرو۔“ انہوں نے عرض کیا: اے اللہ کے رسول صلی اللہ علیہ وسلم ! مزید فرمائیے، آپ صلی اللہ علیہ وسلم نے فرمایا: ”استقامت اختیار کرو اور اپنے اخلاق کو عمدہ بناؤ۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب التوبة والإنابة/حدیث: 7808]