سیدنا عبداللہ بن عباس رضی اللہ عنہما فرماتے ہیں: سیدنا علی رضی اللہ عنہ کے پاس ملاعنہ کے بچے کا فیصلہ آیا، اس کے باپ کے رشتہ دار اس کی وراثت لینے کے لیے آ گئے، سیدنا علی رضی اللہ عنہ نے فرمایا: اس کے باپ نے تو اس بچے سے براءت کا اظہار کر دیا تھا، سیدنا علی رضی اللہ عنہ نے اس بچے کی ماں کو اس کی وراثت دی، اور اس کی ماں کو ہی اس بچے کا عصبہ بنایا اور بچے کے باپ کے رشتہ داروں کو کچھ نہیں دیا۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ یہ حدیث اگرچہ امیرالمومنین کے حکم تک موقوف ہے لیکن یہ ان کے فتاویٰ اور احکام کے حوالے سے غریب ہے۔ [المستدرك على الصحيحين/كتاب الفرائض/حدیث: 8214]