ابوبکر بن حزم روایت کرتے ہیں کہ عبداللہ بن زید بن عبدربہ رضی اللہ عنہ نبی اکرم صلی اللہ علیہ وسلم کی بارگاہ میں حاضر ہوئے اور عرض کی: یا رسول اللہ صلی اللہ علیہ وسلم میرا یہ باغ اللہ اور اس کے رسول کے لیے صدقہ ہے، ان کے والدین آئے اور عرض کی: یا رسول اللہ صلی اللہ علیہ وسلم ہماری گزر بسر کا واحد ذریعہ وہ باغ ہی تھا۔ رسول اللہ صلی اللہ علیہ وسلم نے وہ باغ ان کے والدین کو واپس کر دیا، پھر ان کے والدین کا انتقال ہو گیا تو رسول اللہ صلی اللہ علیہ وسلم نے وہ باغ وراثت میں ان کے بیٹے کو دے دیا۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ اس حدیث کے طرق میں جتنی بھی مرویات ہیں، ان میں سب سے زیادہ صحیح درج ذیل حدیث ہے۔ [المستدرك على الصحيحين/كتاب الفرائض/حدیث: 8218]