سیدنا عبداللہ بن عمر رضی اللہ عنہما فرماتے ہیں: لوگ مزدلفہ کی جانب چل رہے ہوں گے، اور دابہ بھی لوگوں کے ہمراہ چلے گا، مزدلفہ میں جائے گا۔ جب صبح ہو گی تو (وہ اتنا بڑا ہو چکا ہو گا کہ) سب لوگ اس کے سر اور دم کے درمیان ہوں گے، ہر مومن سے وہ مصافحہ کرے گا اور منافق اور کافر کے ناک پر مارے گا۔ لیکن توبہ کا دروازہ اس وقت بھی کھلا ہو گا، حتی کہ دجال ظاہر ہو گا، وہ مومن کر ایک اکھٹر آدمی کی طرح پکڑے گا اور وہ کافر اور منافق کے کانوں میں داخل ہو جائے گا حتی کہ ایسا ہو جائے گا جیسے بھنا ہوا گوشت ہوتا ہے، اس وقت تک بھی توبہ کا دروازہ کھلا ہو گا، پھر سورج مغرب کی جانب سے طلوع ہو گا۔ (تب توبہ کا دروازہ بند ہو جائے گا۔) ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب الفتن والملاحم/حدیث: 8702]