سیدنا ابوسعید خدری رضی اللہ عنہ فرماتے ہیں کہ نبی اکرم صلی اللہ علیہ وسلم نے ارشاد فرمایا: قیامت کے دن دوزخیوں میں سب سے ہلکے عذاب والا وہ ہو گا جس کو آگ کی جوتیاں پہنائی جائیں گی، اس کی وجہ سے اس کا دماغ ابلے گا، کچھ لوگ ایسے ہوں گے جن کے گھٹنوں تک عذاب ہو گا، کچھ ایسے ہوں گے جن کو عذاب کے اجزاء والی آگ کی چادریں اوڑھائی جائیں گی، کچھ ایسے ہوں گے جن کی ہنسلی تک عذاب ہو گا اور کچھ بدنصیب ایسے ہوں گے جو عذاب میں سر تک غرق ہوں گے۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہ نے اس کو نقل نہیں کیا۔ سیدنا عبداللہ بن عباس رضی اللہ عنہما سے مروی حدیث درج ذیل ہے۔ [المستدرك على الصحيحين/كتاب : الأهوال/حدیث: 8949]