حضرت زینب بنت ابوسلمہ رضی اللہ عنہما نے بیان کیا کہ حضرت ام حبیبہ رضی اللہ عنہا نے رسول اللہ صلی اللہ علیہ وسلم سے کہا: تحقیق ہم یہ باتیں کر رہی ہیں کہ آپ عنقریب درہ بنت ابی سلمہ رضی اللہ عنہما سے نکاح فرمانے والے ہیں۔ رسول اللہ صلی اللہ علیہ وسلم نے فرمایا: ”کیا ام سلمہ سے نکاح کے بعد؟ نیز اگر میں نے ام سلمہ سے نکاح نہ بھی کیا ہوتا، تب بھی وہ میرے لیے حلال نہیں تھی کیونکہ اس (درہ) کا باپ (حضرت ابوسلمہ رضی اللہ عنہ) میرا رضاعی بھائی تھا۔“ [سنن نسائي/كتاب النكاح/حدیث: 3288]