حضرت طارق محاربی رضی اللہ عنہ سے روایت ہے کہ ایک آدمی نے کہا: اے اللہ کے رسول! یہ بنو ثعلبہ ہیں جنہوں نے اپنے دورِ جاہلیت میں فلاں کو قتل کیا تھا۔ ان سے ہمیں قصاص دلوا دیجیے۔ آپ صلی اللہ علیہ وسلم نے اپنے ہاتھ مبارک اٹھائے حتیٰ کہ میں نے آپ صلی اللہ علیہ وسلم کی بغلوں کی سفیدی دیکھی۔ آپ صلی اللہ علیہ وسلم نے دو دفعہ فرمایا: «لَا تَجْنِي أُمٌّ عَلَى وَلَدٍ» ”کسی ماں کا جرم اس کے بیٹے کے گلے نہیں پڑتا۔“ [سنن نسائي/كتاب القسامة والقود والديات/حدیث: 4843]