سیدنا عمر فاروق رضی اللہ عنہ
➊ فرمانِ رسول صلی اللہ علیہ وسلم
❀ سیدنا عبداللہ بن عمر رضی اللہ عنہما بیان کرتے ہیں کہ رسول اللہ صلی اللہ علیہ وسلم نے فرمایا:
«إِنَّ اللّٰهَ جَعَلَ الْحَقَّ عَلٰی لِسَانِ عُمَرَ وَقَلْبِهِ .»
”بلاشبہ اللہ تعالیٰ نے عمر کی زبان اور دل پر حق جاری کر دیا ہے۔“ [سنن الترمذي: 3682، وصحيح ابن حبان: 6895، وسندہٗ حسن، والحدیث صحیح]
➋ قولِ سیدنا علی رضی اللہ عنہ
◈ سیدنا علی رضی اللہ عنہ فرماتے ہیں:
«مَا كُنَّا نُبْعِدُ اَنَّ السَّكِيْنَةَ تَنْطِقُ عَلٰی لِسَانِ عُمَرَ .»
”ہم بالکل بھی بعید نہیں سمجھتے تھے کہ سکینت سیدنا عمر رضی اللہ عنہ کی زبان پر جاری ہوتی ہے۔“ [جامع معمر بن راشد: 20380، وسندہٗ حسن]
➌ حافظ نووی رحمہ اللہ کا قول
◈ حافظ نووی رحمہ اللہ (676ھ) فرماتے ہیں:
«اِتَّفَقُوْا عَلٰی تَسْمِیَتِهِ بِالْفَارُوْقِ .»
”اہلِ علم کا اتفاق ہے کہ سیدنا عمر بن خطاب رضی اللہ عنہ کا لقب ’فاروق‘ ہے۔“ [تہذیب الأسماء واللغات: 4/2]
➍ حافظ ابن حجر رحمہ اللہ کا قول
◈ حافظ ابن حجر رحمہ اللہ (852ھ) فرماتے ہیں:
«اَمَّا لَقَبُہٗ فَھُوَ الْفَارُوْقُ بِاتِّفَاقٍ .»
”سیدنا عمر بن خطاب رضی اللہ عنہ کا لقب ’فاروق‘ ہے، اس پر (سبھی اہل ایمان کا) اتفاق ہے۔“ [فتح الباري: 44/7]
➎ فاروق کا معنی
فاروق کا مطلب ہے کہ حق اور باطل میں فرق کرنے والا۔

اردو حاشہ:
۱؎: اسی لیے آپ کو ”ملہم“ یا ”محدث“ کہا جاتا ہے۔