´شہادتوں (گواہیوں) کا بیان`
سیدنا ابن عباس رضی اللہ عنہما سے روایت ہے کہ نبی کریم صلی اللہ علیہ وسلم نے ایک آدمی سے فرمایا ” تو سورج کو دیکھتا ہے؟“ اس نے عرض کیا جی ہاں! آپ صلی اللہ علیہ وسلم نے فرمایا ” اس طرح کی روشن شہادت ہو تو گواہی دے ورنہ چھوڑ دے۔“ اسے ابن عدی نے ضعیف سند سے نکالا ہے اور حاکم نے اسے صحیح کہا ہے مگر غلطی کی ہے۔ «بلوغ المرام/حدیث: 1207»

تخریج:
«أخرجه ابن عدي في الكامل:6 /2213، وفيه عمرو بن مالك البصري «ضعيف، تابعه سليمان الشاذكوني وهو متهم» عن محمد بن سليمان بن مشمول عن عبدالله بن سلمة بن وهرام عند الحاكم:4 /98، 99، وتعقبه الذهبي.» تشریح:
مذکورہ روایت سنداً ضعیف ہے‘ تاہم صحیح بات یہی ہے کہ گواہی اس وقت دینی چاہیے جب انسان کو پوری طرح یقین ہو ورنہ گواہی سے اجتناب بہتر ہے۔
محض گمان اور ظن کی بنیاد پر گواہی دینا درست نہیں۔
واللّٰہ أعلم۔