حضرت ابوحمید ساعدی سے روایت ہے کہ صحابہ رضی اللہ عنہم نے پوچھا آنحضرت صلی اللہ علیہ وسلم سے: یا رسول اللہ صلی اللہ علیہ وسلم ! کیونکر درود بھیجیں آپ پر؟ تو آپ صلی اللہ علیہ وسلم نے فرمایا: ”کہو، اے پروردگار رحمت اتار اپنی محمد صلی اللہ علیہ وسلم اور ان کی بیبیوں اور آل پر جیسے رحمت کی تو نے ابراہیم علیہ السلام پر، اور برکت اتار محمد صلی اللہ علیہ وسلم اور ان کی بیبیوں پر اور آل پر جیسے تو نے برکت اتاری ابراہیم علیہ السلام کی اولاد پر، بے شک تو تعریف کے لائق اور بڑا ہے۔“