4617. حضرت انس ؓ سے روایت ہے، انہوں نے کہا: ہم لوگ تمہاری تیار کردہ فضیخ نامی شراب کے علاوہ کوئی دوسری شراب استعمال نہیں کرتے تھے۔ یہ نام "فضیخ" تم نے خود ہی تجویز کیا ہے۔ میں کھڑا حضرت ابوطلحہ ؓ کو شراب پلا رہا تھا اور فلاں، فلاں کو بھی، اس دوران میں ایک صاحب آئے اور انہوں نے کہا: کیا تمہیں کچھ خبر بھی ہے؟ لوگوں نے پوچھا: کیا بات ہے؟ اس نے کہا: شراب کو حرام کر دیا گیا ہے۔ شراب پینے والوں نے فورا کہا: اے انس! اب ان شراب کے مٹکوں کو بہا دو۔ انہوں نے اس آدمی کی اطلاع کے بعد ایک قطرہ بھی نہ طلب کیا اور نہ اسے استعمال ہی کیا۔ [صحيح بخاري، حديث نمبر:4617]

حدیث حاشیہ:
صحابہ کرام ؓ کی یہ اطاعت شعاری اور خدا ترسی تھی کہ حکم خدا سنتے ہی ہمیشہ کے لیے تائب ہوگئے۔
یہی حکومت الٰہی ہے جس کا اثر دلوں پر ہوتا ہے۔

4617. حضرت انس ؓ سے روایت ہے، انہوں نے کہا: ہم لوگ تمہاری تیار کردہ فضیخ نامی شراب کے علاوہ کوئی دوسری شراب استعمال نہیں کرتے تھے۔ یہ نام "فضیخ" تم نے خود ہی تجویز کیا ہے۔ میں کھڑا حضرت ابوطلحہ ؓ کو شراب پلا رہا تھا اور فلاں، فلاں کو بھی، اس دوران میں ایک صاحب آئے اور انہوں نے کہا: کیا تمہیں کچھ خبر بھی ہے؟ لوگوں نے پوچھا: کیا بات ہے؟ اس نے کہا: شراب کو حرام کر دیا گیا ہے۔ شراب پینے والوں نے فورا کہا: اے انس! اب ان شراب کے مٹکوں کو بہا دو۔ انہوں نے اس آدمی کی اطلاع کے بعد ایک قطرہ بھی نہ طلب کیا اور نہ اسے استعمال ہی کیا۔ [صحيح بخاري، حديث نمبر:4617]

حدیث حاشیہ:
1۔
اس حدیث سے صحابہ کرام رضوان اللہ عنھم اجمعین کی وفاداری اور اطاعت شعاری کا پتہ چلتا ہے کہ حکم الٰہی سنتے ہی تائب ہو گئے شراب نوشی جن کی گھٹی میں رچی بسی تھی یہ حکم امتناعی سننے کے بعد ایک قطرہ بھی حلق میں گرانا گوارا نہ کیا۔
2۔
شراب نوشی کی وعید کے متعلق متعدد احادیث مروی ہیں۔
چند ایک حسب ذیل ہیں۔
۔
''جس شخص نے شراب پی اور وہ اسی پر ہمیشگی کرتے ہوئے توبہ کیے بغیر مر گیا تو وہ اسے آخرت میں نہیں پیے گا۔
" (صحیح مسلم، الأشربة، حدیث: 5218۔
(2003)

۔
"جو شخص نشہ آور چیز پیے گا تو یہ بات اللہ تعالیٰ کے ذمے ہے کہ وہ اسے طینۃ الخبال پلائے۔
" صحابہ کرام رضوان اللہ عنھم اجمعین نے عرض کی:
اللہ کے رسول اللہ ﷺ!طینہ الخبال کیا چیز ہے؟ آپ نے فرمایا:
"اہل جہنم کا پسینا یا ان کے زخموں سے سے بہنے والی پیپ۔
" (صحیح مسلم، الأشربة، حدیث: 5217۔
(2002)

۔
"تین قسم کے لوگوں پر جنت حرام ہے:
ہمیشہ شراب پینے والا والدین کا نا فرمان اور دیوث جو اپنے اہل خانہ میں خباثت برقرار رکھنے والا ہو۔
" (مسند أحمد: 69/2)

۔
"شراب نوشی کرنے والا اگر اسی حالت میں مر جائے تو وہ اللہ تعالیٰ سے بت کی پوجا کرنے والے کی طرح ملاقات کرے گا۔
" (مسند أحمد: 272/1۔
والصحیحة للألباني، حدیث: 677)
3۔
بہر حال شراب کو بطور دوا بھی استعمال نہیں کیا جا سکتا کیونکہ رسول اللہ ﷺ نے فرمایا ہے۔
"یہ دوانہیں بلکہ بیماری ہے۔
" (صحیح مسلم، الأشربة، حدیث: 5141۔
(1984)
اور نہ اسے سرکے میں بدلنے کی اجازت ہے۔
(جامع الترمذي، البیوع، حدیث: 1294)
اگر کوئی قوم شراب نوشی پر اصرار کرے تو ان سے لڑائی کرنے کا حکم ہے۔
(سنن أبي داود، الأشربة، حدیث: 3683)