4614. حضرت عائشہ‬ ؓ ہ‬ی سے روایت ہے کہ ان کے والد گرامی اپنی قسم کی خلاف ورزی نہیں کرتے تھے لیکن جب اللہ تعالٰی نے کفارہ قسم کا حکم نازل فرمایا تو حضرت ابوبکر ؓ نے کہا: اب اگر قسم کے علاوہ کوئی دوسری چیز مجھے اس سے بہتر معلوم ہوتی ہے تو میں اللہ کی دی ہوئی رخصت پر عمل کرتا ہوں اور وہی کام کرتا ہوں جو بہتر ہوتا ہے۔ [صحيح بخاري، حديث نمبر:4614]

حدیث حاشیہ:
ثعلبی نے کہا کہ آیت ﴿لا یواخذُکمُ اللہُ﴾ (المائدہ: 89)
حضرت ابوبکر ؓ کے حق میں نازل ہوئی۔
جب انہوں نے غصہ ہو کر یہ قسم کھائی تھی کہ اب سے مسطح بن اثاثہؓ کے ساتھ میں کوئی سلوک نہیں کروں گا۔
یہ مسطح ؓ حضرت عائشہ ؓ پر تہمت لگانے میں شریک ہو گئے تھے۔

4614. حضرت عائشہ‬ ؓ ہ‬ی سے روایت ہے کہ ان کے والد گرامی اپنی قسم کی خلاف ورزی نہیں کرتے تھے لیکن جب اللہ تعالٰی نے کفارہ قسم کا حکم نازل فرمایا تو حضرت ابوبکر ؓ نے کہا: اب اگر قسم کے علاوہ کوئی دوسری چیز مجھے اس سے بہتر معلوم ہوتی ہے تو میں اللہ کی دی ہوئی رخصت پر عمل کرتا ہوں اور وہی کام کرتا ہوں جو بہتر ہوتا ہے۔ [صحيح بخاري، حديث نمبر:4614]

حدیث حاشیہ:
1۔
آئندہ زمانے میں کسی کام کے کرنے یا نہ کرنے کی قسم اٹھانا یمین منعقدہ ہے جس کے توڑدینے پر کفارہ ادا کرنا پڑتا ہے۔
ارشاد باری تعالیٰ ہے:
"قسم کا کفارہ دس مساکین کو درمیانے درجے کا کھانا کھلانا ہے جو تم اپنے اہل وعیال کو کھلاتے ہو یا انھیں لباس دینا ہے یا ایک غلام آزاد کرنا ہے اور جسے یہ میسر نہ ہوں وہ تین دن کے روزے رکھے۔
یہ تمھاری قسموں کا کفارہ ہے جب تم قسم اٹھاکر اسے توڑ دو۔
" (المائدة: 89/5)
2۔
اس سلسلے میں رسول اللہ ﷺ کا ارشاد گرامی ہے:
"اگر تم کسی کام کے کرنے کی قسم کھا لو، پھر تمھیں کسی دوسرے کام میں بہتری نظر آئے تو اپنی قسم کا کفارہ ادا کر کے وہ کام کرو جو بہتر ہے۔
" (صحیح البخاري، الأیمان والنذور، حدیث: 6622)