حضرت ابو موسیٰ اشعری رضی اللہ عنہ سے روایت ہے، وہ نبی صلی اللہ علیہ وسلم سے بیان کرتے ہیں کہ آپ صلی اللہ علیہ وسلم نے فرمایا: ”امانت دار خزانچی، جو چیز جس پر خرچ کرنے یا دینے کا حکم دیا جائے، وہ اسے خوشی سے بلا کم و کاست اس کے حوالے کر دے تو وہ بھی صدقہ کرنے والوں میں سے ایک ہو گا۔“ [صحيح البخاري/كتاب الوكالة/حدیث: 2319]

حضرت ابو موسیٰ اشعری رضی اللہ عنہ سے روایت ہے، وہ نبی کریم صلی اللہ علیہ وسلم سے بیان کرتے ہیں کہ آپ صلی اللہ علیہ وسلم نے فرمایا: ”وہ مسلمان خزانچی جو امانت دار ہو، خوشی سے بلا کم و کاست اپنے آقا کا حکم نافذ کر دے اور جس چیز کا آدمی کو دینے کا حکم دیا گیا ہے اس کے حوالے کر دے، تو وہ بھی خیرات کرنے والوں میں سے ایک ہوگا۔“ کبھی آپ صلی اللہ علیہ وسلم «يُنْفِذُ» کی بجائے «يُعْطِي» کا لفظ فرماتے، یعنی چیز دے دے (جس آدمی کو دینے کا حکم دیا گیا ہے اسے)۔ [صحيح البخاري/كتاب الوكالة/حدیث: 1438]

حضرت ابو موسیٰ اشعری رضی اللہ عنہ سے روایت ہے، انہوں نے کہا کہ نبی کریم صلی اللہ علیہ وسلم نے فرمایا: ”امانت دار خزانچی جو حکم کے مطابق دلی خوشی سے ٹھیک ٹھیک ادائیگی کرتا ہے وہ صدقہ کرنے والوں میں سے ایک ہے۔“ [صحيح البخاري/كتاب الوكالة/حدیث: 2260]