حضرت سہل بن سعد رضی اللہ عنہ سے روایت ہے کہ رسول اللہ صلی اللہ علیہ وسلم کی خدمت میں پینے کی کوئی چیز پیش کی گئی۔ آپ صلی اللہ علیہ وسلم کے دائیں جانب ایک لڑکا تھا اور بائیں جانب کچھ اکابر تشریف فرما تھے۔ آپ صلی اللہ علیہ وسلم نے لڑکے سے کہا: ”کیا تمہاری طرف سے اجازت ہے کہ میں (اپنا بچا ہوا) ان بزرگوں کو دے دوں؟“ لڑکے نے جواب دیا: نہیں، اللہ کی قسم! میں آپ صلی اللہ علیہ وسلم سے ملنے والا تبرک کسی کو دینے والا نہیں ہوں۔ رسول اللہ صلی اللہ علیہ وسلم نے زور سے وہ مشروب اس کے ہاتھ میں تھما دیا۔ [صحيح البخاري/كتاب الهبة/حدیث: 2605]

حضرت سہل بن سعد رضی اللہ عنہ سے روایت ہے، انہوں نے کہا کہ نبی کریم صلی اللہ علیہ وسلم کی خدمت میں ایک پیالہ پیش کیا گیا اور آپ صلی اللہ علیہ وسلم نے اس سے کچھ نوش فرمایا۔ آپ صلی اللہ علیہ وسلم کی دائیں جانب ایک لڑکا تھا جو حاضرین میں سب سے چھوٹا تھا، جبکہ آپ صلی اللہ علیہ وسلم کی بائیں جانب بزرگ حضرات بیٹھے تھے۔ آپ صلی اللہ علیہ وسلم نے فرمایا: ”برخوردار! تم اجازت دیتے ہو کہ میں ان بزرگوں کو یہ پیالہ دے دوں؟“ اس نے عرض کیا: اللہ کے رسول صلی اللہ علیہ وسلم ! یہ ممکن نہیں کہ آپ کے پس خوردہ پر کسی کو ترجیح دوں، چنانچہ آپ صلی اللہ علیہ وسلم نے وہ پیالہ اسی کو دے دیا۔ [صحيح البخاري/كتاب الهبة/حدیث: 2351]

حضرت سہل بن سعد رضی اللہ عنہ سے روایت ہے انہوں نے کہا کہ رسول اللہ صلی اللہ علیہ وسلم کے پاس پانی کا ایک پیالہ لایا گیا تو آپ نے اس سے نوش فرمایا۔ آپ کی دائیں جانب ایک نوعمر لڑکا تھا جبکہ بزرگ حضرات آپ کی بائیں جانب تھے۔ آپ نے فرمایا: ”برخوردار! مجھے اجازت دیتے ہو کہ میں یہ پیالہ بزرگوں کو دے دوں؟“ اس نے کہا: اللہ کے رسول صلی اللہ علیہ وسلم ! میں اپنے حصے پر جو آپ کی طرف سے میرے نصیب میں ہے کسی کو ترجیح دینے پر راضی نہیں، تو آپ نے وہ پیالہ اسی کو دے دیا۔ [صحيح البخاري/كتاب الهبة/حدیث: 2366]

حضرت سہل بن سعد ساعدی رضی اللہ عنہ سے روایت ہے وہ رسول اللہ صلی اللہ علیہ وسلم سے بیان کرتے ہیں کہ آپ صلی اللہ علیہ وسلم کے پاس کوئی مشروب لایا گیا جس سے آپ صلی اللہ علیہ وسلم نے کچھ نوش فرمایا۔ آپ صلی اللہ علیہ وسلم کی دائیں جانب ایک لڑکا بیٹھا تھا، جبکہ بائیں جانب کچھ بزرگ لوگ تھے۔ آپ صلی اللہ علیہ وسلم نے لڑکے سے فرمایا: ”تم مجھے اجازت دیتے ہو کہ میں اپنا پس خوردہ (بچا ہوا) ان بزرگوں کو دے دوں؟“ لڑکے نے کہا: اللہ کی قسم! نہیں اللہ کے رسول صلی اللہ علیہ وسلم ! میرا حصہ جو آپ صلی اللہ علیہ وسلم سے مجھے ملنے والا ہے وہ میں کسی اور کو دینے والا نہیں ہوں۔ آخر کار آپ صلی اللہ علیہ وسلم نے وہ پیالہ اسی کے ہاتھ میں تھما دیا۔ [صحيح البخاري/كتاب الهبة/حدیث: 2451]

حضرت سہل بن سعد رضی اللہ عنہ سے روایت ہے کہ نبی کریم صلی اللہ علیہ وسلم کی خدمت میں ایک مشروب پیش کیا گیا جسے آپ نے نوش فرمایا۔ آپ کی دائیں جانب ایک لڑکا اور بائیں جانب کچھ بزرگ تھے۔ آپ صلی اللہ علیہ وسلم نے اس لڑکے سے فرمایا: ”اگر تم مجھے اجازت دو تو میں بچا ہوا پانی ان حضرات کو دے دوں؟“ لڑکے نے عرض کیا: اللہ کے رسول صلی اللہ علیہ وسلم ! میں آپ کے پس خوردہ (بچے ہوئے) سے اپنا حصہ کسی اور کو دینا پسند نہیں کرتا۔ آپ نے وہ پیالہ اس لڑکے کے ہاتھ میں تھما دیا۔ [صحيح البخاري/كتاب الهبة/حدیث: 2602]

حضرت عائشہ رضی اللہ عنہا سے روایت ہے کہ جب یہ آیت نازل ہوئی: ﴿تُرْجِي مَنْ تَشَاءُ مِنْهُنَّ وَتُؤْوِي إِلَيْكَ مَنْ تَشَاءُ وَمَنِ ابْتَغَيْتَ مِمَّنْ عَزَلْتَ فَلَا جُنَاحَ عَلَيْكَ﴾ [سورة الأحزاب: 51] ”ان (بیویوں) میں سے آپ جسے چاہیں دور کر دیں اور جسے چاہیں اپنے پاس رکھ لیں۔ اور اگر آپ ان میں سے بھی کسی کو اپنے پاس بلا لیں جنہیں آپ نے الگ کر دیا تو بھی آپ پر کوئی گناہ نہیں۔“ اس آیت کے نزول کے بعد بھی رسول اللہ صلی اللہ علیہ وسلم اگر ہم میں سے کسی کی باری میں کسی دوسری بیوی کے پاس جانا چاہتے تو جس کی باری ہوتی اس سے اجازت لیتے تھے۔ (راویہ حدیث حضرت معاذہ رحمہ اللہ کہتی ہیں کہ) میں نے حضرت عائشہ رضی اللہ عنہا سے پوچھا: ”ایسی صورت میں آپ رسول اللہ صلی اللہ علیہ وسلم کو کیا کہتی تھیں؟“ حضرت عائشہ رضی اللہ عنہا نے فرمایا: ”میں تو آپ سے عرض کر دیتی تھی کہ اللہ کے رسول! اگر یہ اجازت آپ مجھ سے لے رہے ہیں تو میں اپنی باری کا ایثار کسی دوسرے پر نہیں کر سکتی۔“ اس حدیث کی متابعت عباد بن عباد نے کی، انہوں نے حضرت عاصم رحمہ اللہ سے یہ حدیث سنی۔ [صحيح البخاري/كتاب الهبة/حدیث: 4789]

حضرت سہل بن سعد رضی اللہ عنہ سے روایت ہے کہ رسول اللہ صلی اللہ علیہ وسلم کی خدمت میں ایک مشروب لایا گیا، آپ صلی اللہ علیہ وسلم نے اس میں سے کچھ نوش فرمایا۔ آپ صلی اللہ علیہ وسلم کے دائیں جانب ایک نو عمر لڑکا تھا جبکہ بائیں جانب بزرگ صحابہ کرام رضی اللہ عنہم تھے۔ آپ صلی اللہ علیہ وسلم نے لڑکے سے فرمایا: ”کیا تو مجھے اجازت دیتا ہے کہ میں بچا ہوا شربت ان شیوخ کو دے دوں؟“ بچے نے کہا: ”اے اللہ کے رسول! اللہ کی قسم! آپ کے پس ماندہ سے ملنے والے حصے کے معاملے میں کسی پر ایثار نہیں کروں گا۔“ راوی نے کہا: پھر رسول اللہ صلی اللہ علیہ وسلم نے زور سے اس کے ہاتھ میں پیالہ دے دیا۔ [صحيح البخاري/كتاب الهبة/حدیث: 5620]