حضرت عبداللہ بن عباس رضی اللہ عنہ سے روایت ہے، وہ درج ذیل آیت کریمہ ﴿وَإِذَا حَضَرَ الْقِسْمَةَ أُولُو الْقُرْبَىٰ وَالْيَتَامَىٰ وَالْمَسَاكِينُ﴾ [سورة النساء: 8] کے متعلق فرماتے ہیں: ”اور جب ترکہ کی تقسیم کے وقت قرابت دار، یتیم اور مساکین موجود ہوں۔۔ یہ آیت محکم ہے منسوخ نہیں۔“ حضرت عبداللہ بن عباس رضی اللہ عنہ سے روایت کرنے میں سعید بن جبیر نے حضرت عکرمہ کی متابعت کی ہے۔ [صحيح البخاري/كتاب تفسير القرآن/حدیث: 4576]

حضرت عبداللہ بن عباس رضی اللہ عنہما سے روایت ہے، انہوں نے فرمایا: لوگ کہتے ہیں کہ مذکورہ بالا آیت منسوخ ہے۔ نہیں، اللہ کی قسم! یہ منسوخ نہیں ہے، البتہ لوگ اس پر عمل کرنے میں سست ہو گئے ہیں۔ دراصل ترکہ لینے والے دو طرح کے لوگ ہوتے ہیں: ایک تو وہ جو خود وارث ہوں، انہیں تو اس وقت کچھ خرچ کرنے کا حکم ہے، دوسرے وہ جو خود وارث نہیں، انہیں حکم ہے کہ وہ نرمی سے جواب دیں۔ وہ یوں کہے کہ میں تو تمہیں دینے کا اختیار نہیں رکھتا۔ [صحيح البخاري/كتاب تفسير القرآن/حدیث: 2759]