🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب إتحاف الخيرة المهرة اور فضائل الصحابة اردو عربی سرچ سہولت کے ساتھ پیش کر دی گئی ہے۔ News
سنن ابن ماجه سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

سنن ابن ماجہ میں ترقیم شاملہ سے تلاش کل احادیث (4341)
حدیث نمبر لکھیں:
حدیث میں عربی لفظ/الفاظ تلاش کریں
عربی لفظ / الفاظ لکھیں:
حدیث میں اردو لفظ/الفاظ تلاش کریں
اردو لفظ / الفاظ لکھیں:
10. بَابٌ في الْقَدَرِ
باب: قضا و قدر (تقدیر) کا بیان۔
شواہد الحدیث — سنن ابن ماجه حدیث نمبر 80 (کل: 5 مقامات، 5 کتب)
سنن ابن ماجہ: 80
مجمع الزاوئد ومنبع الفوائد: 11804
المطالب العالية بزوائد المسانيد الثمانية: 2970
مسند ابی یعلیٰ موصلی: 1204
اتحاف الخیرۃ المہرۃ بزوائد المسانید العشرۃ: 199
اظهار التشكيل
حدیث نمبر: 80
حَدَّثَنَا هِشَامُ بْنُ عَمَّارٍ ، وَيَعْقُوبُ بْنُ حُمَيْدِ بْنِ كَاسِبٍ ، قَالَا: حَدَّثَنَا سُفْيَانُ بْنُ عُيَيْنَةَ ، عَنْ عَمْرِو بْنِ دِينَارٍ ، سَمِعَ طَاوُسًا ، يَقُولُ: سَمِعْتُ أَبَا هُرَيْرَةَ ، يُخْبِرُ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ:" احْتَجَّ آدَمُ وَمُوسَى، فَقَالَ لَهُ مُوسَى: يَا آدَمُ أَنْتَ أَبُونَا، خَيَّبْتَنَا، وَأَخْرَجْتَنَا مِنَ الْجَنَّةِ بِذَنْبِكَ، فَقَالَ لَهُ آدَمُ: يَا مُوسَى، اصْطَفَاكَ اللَّهُ بِكَلَامِهِ، وَخَطَّ لَكَ التَّوْرَاةَ بِيَدِهِ، أَتَلُومُنِي عَلَى أَمْرٍ قَدَّرَهُ اللَّهُ عَلَيَّ قَبْلَ أَنْ يَخْلُقَنِي بِأَرْبَعِينَ سَنَةً؟ فَحَجَّ آدَمُ مُوسَى، فَحَجَّ آدَمُ مُوسَى، فَحَجَّ آدَمُ مُوسَى" ثَلَاثًا.
ابوہریرہ رضی اللہ عنہ کہتے ہیں کہ نبی اکرم صلی اللہ علیہ وسلم نے فرمایا: ”آدم و موسیٰ علیہا السلام میں مناظرہ ہوا، موسیٰ علیہ السلام نے آدم علیہ السلام سے کہا: اے آدم! آپ ہمارے باپ ہیں، آپ نے ہمیں ناکام و نامراد بنا دیا، اور اپنے گناہ کے سبب ہمیں جنت سے نکال دیا، تو آدم علیہ السلام نے ان سے کہا: اے موسیٰ! اللہ تعالیٰ نے تم کو اپنی ہم کلامی کے لیے منتخب کیا، اور تمہارے لیے اپنے ہاتھ سے تورات لکھی، کیا تم مجھ کو ایک ایسے عمل پر ملامت کرتے ہو جس کو اللہ تعالیٰ نے میری پیدائش سے چالیس سال پہلے میری تقدیر میں لکھ دیا تھا!“، نبی اکرم صلی اللہ علیہ وسلم نے تین بار فرمایا: ”چنانچہ آدم موسیٰ پر غالب آ گئے، آدم موسیٰ پر غالب آ گئے، آدم موسیٰ پر غالب آ گئے“ ۱؎۔ [سنن ابن ماجه/كتاب السنة/حدیث: 80]
حضرت ابوہریرہ رضی اللہ عنہ سے روایت ہے کہ نبی اکرم صلی اللہ علیہ وسلم نے فرمایا: ”حضرت آدم علیہ السلام اور حضرت موسیٰ علیہ السلام کی آپس میں بحث ہو گئی۔ حضرت موسیٰ علیہ السلام نے فرمایا: اے آدم! آپ ہمارے والد ہیں، آپ نے ہمیں محرومی کا شکار کر دیا اور گناہ کا ارتکاب کر کے ہمیں جنت سے نکلوا دیا۔ آدم علیہ السلام نے انہیں فرمایا: اے موسیٰ! اللہ نے آپ کو شرفِ ہم کلامی کے لیے منتخب فرمایا اور آپ کو اپنے ہاتھ سے لکھ کر تورات دی، کیا آپ مجھے اس بات پر ملامت کرتے ہیں جو اللہ نے مجھے پیدا کرنے سے چالیس سال پہلے میری قسمت میں لکھ دی تھی؟ چنانچہ بحث میں آدم علیہ السلام موسیٰ علیہ السلام پر غالب آگئے۔ آدم علیہ السلام موسیٰ علیہ السلام پر غالب آگئے۔ آدم علیہ السلام موسیٰ علیہ السلام پر غالب آگئے۔“ (تین مرتبہ آپ صلی اللہ علیہ وسلم نے فرمایا۔) [سنن ابن ماجه/كتاب السنة/حدیث: 80]
تخریج الحدیث دارالدعوہ: «‏‏‏‏صحیح البخاری/التفسیر سورة طہ 1 (4736)، القدر 11 (6614)، صحیح مسلم/القدر 2 (2652)، (تحفة الأشراف: 13529)، وقد أخرجہ: سنن ابی داود/السنة 17 (4701)، سنن الترمذی/القدر 2 (2135)، موطا امام مالک/القدر 1 (1)، مسند احمد (2/248، 268) (صحیح)» ‏‏‏‏
وضاحت: ۱؎: آدم علیہ السلام موسیٰ علیہ السلام پر غالب آ گئے اور ان سے جیت گئے یعنی انہیں اس بات کا قائل کر لیا کہ بندہ اپنے افعال میں خود مختار نہیں ہے، اور اللہ تعالیٰ نے جس کام کو اس کے لئے مقدر کر دیا ہے اس کے نہ کرنے پر وہ قادر نہیں، لہذا جو کچھ انہوں نے کیا اس پر انہیں ملامت کرنا درست نہیں، صحیح مسلم کی روایت میں ہے کہ آدم علیہ السلام نے موسی علیہ السلام سے پوچھا کہ تم نے تورات میں پڑھا ہے کہ اللہ تعالیٰ نے میری پیدائش سے کتنے برس پہلے تورات لکھی؟ انہوں نے کہا: چالیس برس، پھر آدم علیہ السلام نے فرمایا کہ تم نے اس میں پڑھا ہے:  «وعصى آدم ربه فغوى» یعنی ”آدم علیہ السلام نے اپنے رب کی نافرمانی کی، تو راہ بھول گئے“، انہوں نے کہا: ہاں، آدم علیہ السلام نے فرمایا: پھر بھلا تم مجھے کیا ملامت کرتے ہو؟ باقی وہی مضمون ہے، اور نبی اکرم صلی اللہ علیہ وسلم نے تین بار فرمایا کہ آدم علیہ السلام جیت گئے، اور یہ تکرار تاکید کے لئے تھی تاکہ بخوبی یہ بات سمجھ لی جائے کہ آدم علیہ السلام مستقل فاعل نہ تھے کہ فعل و ترک کا اختیار کامل رکھتے ہوں، بلکہ جو تقدیر الٰہی تھی اس کا ان سے وقوع ہوا، اور اللہ کی مرضی و مشیت کا ہونا ضروری تھا، گویا کہ آدم علیہ السلام نے یہ کہا کہ پھر تم اس علم سابق سے جو بذریعہ تورات تمہیں حاصل ہو چکا ہے کیوں غافل ہوتے ہو، اور صرف میرے کسب (یعنی فعل اور کام) کو یاد کرتے ہو، جو صرف سبب تھا، اور اصل سے غفلت کرتے ہو جو تقدیر الٰہی تھی اور تم جیسے منتخب اور پسندیدہ اور اسرار و رموز الٰہی کے واقف کار سے یہ بات نہایت بعید ہے، اور ان دونوں نبیوں میں یہ گفتگو عالم تکلیف و اسباب میں نہیں ہوئی کہ یہاں وسائط و اکتساب سے قطع نظر اور وسائل اور مواصلات سے چشم پوشی جائز نہیں بلکہ عالم علوی میں ہوئی جو اہل تقوی کی ارواح کے اکٹھا ہونے کی جگہ ہے، اور مکلف اس وقت تک ملامت کا مستحق ہو گا جب وہ عہد تکلیف و مسئولیت میں ہو تو اس پر ملامت امر معروف میں داخل ہے، اور معاصی سے ممانعت کا سبب ہے، اور دوسروں کے لئے عبرت اور موعظت کا سبب ہے، اور جب آدمی تکلیف و مسئولیت کے مقام سے نکل گیا تو اب وہ ملامت کا مستحق نہ رہا بلکہ حقیقت واقعہ یہ ہے کہ اللہ تبارک و تعالیٰ نے جو چیز مقدر کر دی تھی اس کا ظہور ہوا، اور یہ بھی واضح ہے کہ یہ گفتگو اس وقت ہوئی جب آدم علیہ السلام تائب ہو چکے تھے، اور اللہ تعالیٰ نے ان کی توبہ قبول کرلی تھی، اور تائب ملامت کے لائق نہیں ہوتا، مقصد یہ ہے کہ اس واقعہ سے فساق و فجار اپنے فسق و فجور اور بد اعمالیوں پر استدلال نہیں کر سکتے۔
قال الشيخ الألباني: صحيح
قال الشيخ زبير على زئي:بخاري ومسلم

مزید تخریج الحدیث شرح دیکھیں
اظهار التشكيل
حدیث نمبر: 11804
وَعَنْ أَبِي سَعِيدٍ قَالَ: احْتَجَّ آدَمُ وَمُوسَى - عَلَيْهِمَا السَّلَامُ - فَقَالَ مُوسَى: يَا آدَمُ، خَلَقَكَ اللَّهُ بِيَدِهِ، وَنَفَخَ فِيكَ مِنْ رُوحِهِ، وَأَمَرَ الْمَلَائِكَةَ فَسَجَدُوا لَكَ، وَأَسْكَنَكَ جَنَّتَهُ فَأَغْوَيْتَ النَّاسَ وَأَخْرَجْتَهُمْ مِنَ الْجَنَّةِ، فَقَالَ آدَمُ: يَا مُوسَى، اصْطَفَاكَ اللَّهُ بِرِسَالَتِهِ، وَأَنْزَلَ عَلَيْكَ التَّوْرَاةَ، وَفَعَلَ بِكَ وَفَعَلَ، تَلُومُنِي عَلَى أَمْرٍ قَدْ قَدَّرَهُ اللَّهُ عَلَيَّ قَبْلَ أَنْ يَخْلُقَنِي! قَالَ: فَحَجَّ آدَمُ مُوسَى - عَلَيْهِمَا السَّلَامُ.
رَوَاهُ أَبُو يَعْلَى وَالْبَزَّارُ مَرْفُوعًا، وَرِجَالُهُمَا رِجَالُ الصَّحِيحِ.
سیدنا ابوسعید خدری رضی اللہ عنہ بیان کرتے ہیں: سیدنا آدم علیہ السلام اور سیدنا موسیٰ علیہ السلام کے درمیان بحث ہو گئی سیدنا موسیٰ علیہ السلام نے کہا: اے سیدنا آدم علیہ السلام! اللہ تعالیٰ نے آپ کو اپنے دست مبارک کے ذریعے پیدا کیا، آپ میں اپنی روح کو پھونکا،، اُس نے فرشتوں کو حکم دیا تو فرشتوں نے آپ کو سجدہ کیا، اُس نے آپ کو اپنی جنت میں ٹھہرایا، اور پھر آپ نے لوگوں کو بھٹکا دیا، اور انہیں جنت سے نکلوا دیا، تو سیدنا آدم علیہ السلام نے فرمایا: اے موسیٰ! اللہ تعالیٰ نے تمہیں اپنی رسالت کے حوالے سے منتخب کیا، تم پر تورات کو نازل کیا، تمہارے ساتھ یہ کیا اور یہ کیا، تم مجھے ایک ایسے معاملے کے حوالے سے ملامت کر رہے ہو؟ جو اللہ تعالیٰ نے مجھے تخلیق کرنے سے پہلے میری تقدیر میں طے کر دیا تھا؟ نبی اکرم صلی اللہ علیہ وسلم فرماتے ہیں: تو یوں سیدنا آدم علیہ السلام سیدنا موسیٰ علیہ السلام پر غالب آ گئے۔
یہ روایت امام ابویعلیٰ نے نقل کی ہے اور امام بزار نے ”مرفوع“ روایت کے طور پر نقل کی ہے، اور ان دونوں کے رجال صحیح کے رجال ہیں۔ [مجمع الزاوئد ومنبع الفوائد/كتاب القدر/حدیث: 11804]
تخریج الحدیث: «اخرجه البزار فى المسند (2147) اخرجه ابو يعلى فى المسند (1204)»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 2970
وَقَالَ أَبُو بَكْرٍ : حَدَّثَنَا شَرِيكٌ ، عَنْ أَبِي هَارُونَ ، عَنْ أَبِي سَعِيدٍ رَضِيَ اللهُ عَنْهُ قَالَ: تَحَاجَّ آدَمُ وَمُوسَى، عَلَيْهِمَا السَّلَامُ، فَقَالَ مُوسَى لِآدَمَ: أَنْتَ الَّذِي خَلَقَكَ اللهُ بِيَدِهِ، وَنَفَخَ فِيكَ مِنْ رُوحِهِ، وَأَسْكَنَكَ جَنَّتَهُ، فَأَهْلَكْتَنَا، وَأَغْوَيْتَنَا، وَذَكَرَ مَا شَاءَ اللهُ مِنْ هَذَا، فَقَالَ لَهُ آدَمُ عَلَيْهِ السَّلَامُ: أَنْتَ الَّذِي اصْطَفَاكَ اللهُ بِكَلِمَاتِهِ، وَرِسَالَاتِهِ، وَتَلُومُنِي عَلَى أَمْرٍ قَدْ قَدَّرَهُ اللهُ عَلَيَّ قَبْلَ أَنْ يَخْلُقَ السَّمَاوَاتِ وَالْأَرْضَ؟ قَالَ رَسُولُ اللهِ صَلَّى اللهُ عَلَيْهِ وَسَلَّمَ: فَحَجَّ آدَمُ مُوسَى، فَحَجَّ آدَمُ مُوسَى.

وَقَالَ عَبْدُ بْنُ حُمَيْدٍ : أَخْبَرَنَا عَبْدُ الرَّزَّاقِ ، أَخْبَرَنَا مَعْمَرٌ ، عَنْ أَبِي هَارُونَ ، فَذَكَرَهُ مَرْفُوعًا، إِلَّا أَنَّهُ قَالَ: أَفَتَلُومُنِي عَلَى أَمْرٍ قَدْ قُدِّرَ عَلَيَّ قَبْلَ أَنْ أُخْلَقَ؟ فَحَجَّ آدَمُ مُوسَى، فَحَجَّ آدَمُ مُوسَى.

وَقَالَ الْحَارِثُ : حَدَّثَنَا يُونُسُ بْنُ مُحَمَّدٍ ، حَدَّثَنَا حَمَّادٌ ، عَنْ أَبِي هَارُونَ ، عَنْ أَبِي سَعِيدٍ الْخُدْرِيِّ رَضِيَ اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: لَقِيَ آدَمُ مُوسَى عَلَيْهِمَا السَّلَامُ، فَقَالَ مُوسَى: يَا آدَمُ فَذَكَرَهُ، فَزَادَ فِيهِ: وَأَسْجَدَ لَكَ مَلَائِكَتَهُ، وَلَمْ يَقُلْ: فَأَهْلَكْتَنَا، وَأَغْوَيْتَنَا، قَالَ: فَعَلْتَ مَا فَعَلْتَ، وَأَخْرَجْتَ ذُرِّيَّتَكَ مِنَ الْجَنَّةِ وَزَادَ: وَقَرَّبَكَ نَجِيًّا، وَآتَاكَ التَّوْرَاةَ، فَبِكَمْ تَجِدُ الذَّنْبَ الَّذِي عَمِلْتُ مَكْتُوبًا عَلَيَّ قَبْلَ أَنْ أَعْمَلَهُ؟ قَالَ: بِأَرْبَعِينَ عَامًا وَالْبَاقِي نَحْوُهُ.
(115) وَحَدِيثُ جَرِيرٍ فِي الْعَزْلِ، سَبَقَ فِي النِّكَاحِ، وَفِي أُمَّهَاتِ الْأَوْلَادِ.
سیدنا ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”سیدنا آدم اور سیدنا موسیٰ علیہما السلام نے باہم بحث و تکرار کی، تو موسیٰ علیہ السلام نے آدم علیہ السلام سے کہا: آپ وہ شخصیت ہیں جنہیں اللہ تعالیٰ نے اپنے دستِ قدرت سے پیدا کیا، اپنی طرف سے خاص روح پھونکی اور آپ کو اپنی جنت میں سکونت عطا کی، پھر (آپ کی ایک لغزش کی وجہ سے) آپ نے ہمیں ہلاکت میں ڈال دیا اور ہمیں بہکا دیا، اور موسیٰ علیہ السلام نے اسی طرح کی مزید باتیں بھی کیں جو اللہ نے چاہیں۔ اس پر آدم علیہ السلام نے ان سے فرمایا: آپ وہ جلیل القدر رسول ہیں جنہیں اللہ تعالیٰ نے اپنے کلام اور اپنی رسالت کے لیے منتخب فرمایا، تو کیا آپ مجھے ایسے معاملے پر ملامت کرتے ہیں جسے اللہ تعالیٰ نے زمین و آسمان کی تخلیق سے بھی پہلے میری تقدیر میں لکھ دیا تھا؟ رسول اللہ صلی اللہ علیہ وسلم نے ارشاد فرمایا: ”پس آدم علیہ السلام بحث میں موسیٰ علیہ السلام پر غالب آگئے، پس آدم علیہ السلام موسیٰ علیہ السلام پر غالب آگئے۔““
عبد بن حمید نے اسے مرفوعاً روایت کیا، البتہ اس کے الفاظ یہ ہیں: ”کیا آپ مجھے اس کام پر ملامت کرتے ہیں جو میری پیدائش سے بھی پہلے میرے حق میں مقدر کیا جا چکا تھا؟“ پھر آدم علیہ السلام موسیٰ علیہ السلام پر غالب آ گئے۔
حارث کی روایت میں نبی کریم صلی اللہ علیہ وسلم کا یہ ارشاد منقول ہے کہ: ”آدم اور موسیٰ علیہما السلام کی ملاقات ہوئی تو موسیٰ علیہ السلام نے کہا: اے آدم! پھر راوی نے مذکورہ بالا واقعہ بیان کیا اور اس میں یہ اضافہ کیا کہ: ”اللہ نے آپ کے سامنے فرشتوں کو سجدہ ریز کیا“، البتہ اس روایت میں یہ الفاظ نہیں کہ ”آپ نے ہمیں ہلاک کیا اور بہکا دیا“ بلکہ یہ ہے کہ: ”آپ نے جو کرنا تھا وہ کیا اور اپنی اولاد کو جنت سے نکلوا دیا“، نیز اس میں یہ اضافہ بھی ہے کہ (آدم علیہ السلام نے پوچھا:) ”اللہ نے آپ کو راز و نیاز کے لیے اپنا قربِ خاص عطا کیا اور آپ کو تورات عطا کی، تو آپ نے اس گناہ کو، جو میں نے کیا، اسے میرے عمل کرنے سے کتنا عرصہ قبل (تورات میں) لکھا ہوا پایا؟“ موسیٰ علیہ السلام نے جواب دیا: ”چالیس سال قبل“، اور باقی حدیث اسی طرح ہے۔
جریر کی عزل (مانع حمل تدبیر) سے متعلق حدیث کتاب النکاح اور امہات الاولاد کے بیان میں پہلے گزر چکی ہے۔ [المطالب العالية بزوائد المسانيد الثمانية/كتاب الإيمان والتوحيد/حدیث: 2970]
تخریج الحدیث: «أخرجه صحيح البخاري برقم: 3228، 4461، وأخرجه صحيح مسلم برقم: 2652، وأخرجه سنن الترمذي برقم: 2134، وأخرجه سنن أبي داود برقم: 4701، وأخرجه سنن ابن ماجه برقم: 80، وأخرجه مسند أحمد برقم: 7340، 7534، 7579، 7796، 8851، 8925، 9500، 9664، وأخرجه فتح الباري برقم: 6240، وأخرجه مصنف عبد الرزاق برقم: 20067، وأخرجه المعجم الكبير للطبراني برقم: 1663، وأخرجه البحر الزخار المعروف بمسند البزار 10 - 18 برقم: 8833، 9346، 9487، 9856، وأخرجه إتحاف الخيرة المهرة بزوائد المسانيد العشرة برقم: 199/1، وأخرجه صحيح ابن حبان برقم: 6210»

مزید تخریج الحدیث شرح دیکھیں
اظهار التشكيل
حدیث نمبر: 1204
حَدَّثَنَا زُهَيْرٌ، حَدَّثَنَا وَكِيعٌ ، عَنِ الْأَعْمَشِ عَنْ أَبِي صَالِحٍ : عَنْ أَبِي سَعِيدٍ قَالَ: احْتَجَّ آدَمُ وَمُوسَى فَقَالَ مُوسَى: يَا آدَمُ، خَلَقَكَ اللهُ بِيَدِهِ وَنَفَخَ فِيكَ مِنْ رُوحِهِ وَأَمَرَ الْمَلَائِكَةَ فَسَجَدُوا لَكَ، وَأَسْكَنَكَ جَنَّتَهُ فَأَغْوَيْتَ النَّاسَ وَأَخْرَجْتَهُمْ مِنَ الْجَنَّةِ؟ فَقَالَ آدَمُ: يَا مُوسَى اصْطَفَاكَ اللهُ بِكَلِمَتِهِ وَأَنْزَلَ عَلَيْكَ التَّوْرَاةَ وَفَعَلَ بِكَ وَفَعَلَ، تَلُومُنِي عَلَى أَمْرٍ قَدْ قَدَّرَهُ اللهُ عَلَيَّ قَبْلَ أَنْ يَخْلُقَنِي؟ قَالَ: «‏‏‏‏فَحَجَّ آدَمُ مُوسَى عَلَيْهِمَا السَّلَامُ» ‏‏‏‏.
سیدنا ابو سعید رضی اللہ عنہ سے روایت ہے کہ ”سیدنا آدم اور سیدنا موسیٰ علیہما السلام نے باہم بحث کی، تو سیدنا موسیٰ علیہ السلام نے کہا: اے آدم! اللہ تعالیٰ نے آپ کو اپنے دستِ قدرت سے پیدا فرمایا، آپ میں اپنی خاص روح پھونکی، فرشتوں کو حکم دیا تو انہوں نے آپ کو سجدہ کیا اور آپ کو اپنی جنت میں سکونت عطا فرمائی، (مگر اس کے باوجود) آپ نے لوگوں کو بہکا دیا اور انہیں جنت سے نکلوا دیا؟ اس پر سیدنا آدم علیہ السلام نے فرمایا: اے موسیٰ! اللہ تعالیٰ نے آپ کو اپنے کلام کے لیے منتخب کیا، آپ پر تورات نازل فرمائی اور آپ کو طرح طرح کے کمالات سے نوازا، تو کیا آپ مجھے ایسے معاملے پر ملامت کر رہے ہیں جسے اللہ تعالیٰ نے میری تخلیق سے بھی پہلے میرے حق میں مقدر فرما دیا تھا؟“ (راوی نے) کہا: ”پس سیدنا آدم علیہ السلام دلیل میں سیدنا موسیٰ علیہ السلام پر غالب آگئے۔“ [مسند أبي يعلى الموصلي/من مسند أبي سعيد الخدري/حدیث: 1204]
تخریج الحدیث: «قال حسين سليم أسد: إسناده صحيح .» ‏‏‏‏
«قال سعيد بن محمد السناري: صحيح»
«أخرجه صحيح البخاري برقم: 3228، 4461، وأخرجه صحيح مسلم برقم: 2652، وأخرجه سنن الترمذي برقم: 2134، وأخرجه سنن أبي داود برقم: 4701، وأخرجه سنن ابن ماجه برقم: 80، وأخرجه مسند أحمد برقم: 7340، 7534، 7579، 7796، 8851، 8925، 9500، 9664، وأخرجه فتح الباري برقم: 6240، وأخرجه مصنف عبد الرزاق برقم: 20067، وأخرجه المعجم الكبير للطبراني برقم: 1663، مسند ابویعلیٰ ترقیم الاثری: 1199»

الحكم على الحديث:
إسناده صحيح
مزید تخریج الحدیث شرح دیکھیں
اظهار التشكيل
حدیث نمبر: 199
وَقَالَ أَبُو بَكْرِ بْنُ أَبِي شَيْبَةَ: ثَنَا شَرِيكٌ، عَنْ أَبِي هَارُونَ، عَنْ أَبِي سَعِيدٍ قَالَ: " تَحَاجَّ آدَمُ وَمُوسَى، فَقَالَ مُوسَى لِآدَمَ: أَنْتَ الَّذِي خَلَقَكَ اللَّهُ بِيَدِهِ وَنَفَخَ فِيكَ مِنْ رُوحِهِ وَأَسْكَنَكَ جَنَّتَهُ، فَأَهْلَكْتَنَا وَأَغْوَيْتَنَا، وَذَكَرَ مَا شَاءَ اللَّهُ مِنْ هَذَا، قَالَ: فَقَالَ لَهُ آدَمُ: أَنْتَ الَّذِي اصْطَفَاكَ اللَّهُ بِكَلِمَاتِهِ وَبِرِسَالَاتِهِ وَتَلُومُنِي عَلَى أَمْرٍ قَدْ قَدَّرَهُ عَلَيَّ قَبْلَ أَنْ يَخْلُقَ السَّمَوَاتِ وَالْأَرْضَ؟ قَالَ: فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: فَحَجَّ آدَمُ مُوسَى ".
رَوَاهُ عَبْدُ بْنُ حُمَيْدٍ: ثَنَا عَبْدُ الرَّزَّاقِ، أَبَنَا مَعْمَرٌ، عَنْ أَبِي هَارُونَ ... فَذَكَرَهُ إِلَّا أَنَّهُ قَالَ: "فَتَلُومُنِي عَلَى أَمْرٍ قَدْ قُدِّرَ عَلَيَّ قَبْلَ أَنْ أُخْلَقَ؟ فَحَجَّ آدَمُ مُوسَى".
وَرَوَاهُ الْحَارِثُ بْنُ مُحَمَّدِ بْنِ أَبِي أُسَامَةَ: ثَنَا يُونُسُ بْنُ مُحَمَّدٍ، ثَنَا حَمَّادٌ، عَنْ أَبِي هَارُونَ، عَنْ أَبِي سَعِيدٍ الْخُدْرِيِّ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: "لَقِيَ آدَمُ مُوسَى، فَقَالَ مُوسَى: يَا آدَمُ، أَنْتَ الَّذِي خَلَقَكَ اللَّهُ بِيَدِهِ وَأَسْكَنَكَ جَنَّتَهُ وَأَسْجَدَ لَكَ مَلَائِكَتَهُ وَنَفَخَ فِيكَ مِنْ رُوحِهِ، وَفَعَلْتَ مَا فَعَلْتَ، فَأَخْرَجْتَ ذُرِّيَّتَكَ مِنَ الْجَنَّةِ. قَالَ آدَمُ: يَا مُوسَى، أَنْتَ الَّذِي اصْطَفَاكَ اللَّهُ بِرِسَالَاتِهِ وَكَلَامِهِ وَقَرَّبَكَ نَجِيًّا، وَأَتَاكَ التَّوْرَاةَ، فَبِكَمْ تَجِدُ الذَّنْبَ الَّذِي عَمِلْتُ مَكْتُوبًا عَلَيَّ قَبْلَ أَنْ أَعْمَلَهُ؟ قَالَ: بِأَرْبَعِينَ عَامًا. قَالَ: فَلَا تَلُومُنِي. فَقَالَ النَّبِيُّ صَلَّى اللَّهُ عَلَيْهِ وَسَلَّمَ: فَحَجَّ آدَمُ مُوسَى - ثَلَاثًا".
وَقَالَ فِي رِوَايَةٍ عَنِ الْحَسَنِ: وَقَالَ بِنَحْوِهِ، وَهِيَ مُرْسَلَةٌ، وَقَالَ: "أَنَا أَقْدَمُ أَمِ الذِّكْرُ".
قَالَ: وَبِهِ عَنْ أَبِي سَعِيدٍ الْخُدْرِيِّ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ بِمِثْلِهِ، غَيْرَ أَنَّهُ قَالَ: "يَا مُوسَى، أَرَأَيْتَ مَا عَلِمَ اللَّهُ أَنَّهُ يَكُونُ، بُدَّ مِنْ أَنْ يَكُونَ؟ قَالَ: فَحَجَّ آدَمُ مُوسَى، فَحَجَّ آدَمُ مُوسَى ".
وَرَوَاهُ أَبُو يَعْلَى الْمَوْصِلِيُّ: ثَنَا زُهَيْرٌ، ثَنَا وَكِيعٌ، عَنِ الْأَعْمَشِ، عَنْ أَبِي صَالِحٍ قَالَ: " احْتَجَّ آدَمُ وَمُوسَى، فَقَالَ مُوسَى: يَا آدَمُ، خَلَقَكَ اللَّهُ بِيَدِهِ، وَنَفَخَ فِيكَ مِنْ رُوحِهِ وَأَمَرَ الْمَلَائِكَةَ فَسَجَدُوا لَكَ، وَأَسْكَنَكَ جَنَّتَهُ فَأَغْوَيْتَ النَّاسَ وَأَخْرَجْتَهُمْ مِنَ الْجَنَّةِ، فَقَالَ آدَمُ: يَا مُوسَى، أَنْتَ الَّذِي اصْطَفَاكَ اللَّهُ بِرِسَالَتِهِ، كَلَّمْتَهُ وَأَنْزَلَ عَلَيْكَ التَّوْرَاةَ، وَفَعَلَ بِكَ وَفَعَلَ، تَلُومُنِي عَلَى أَمْرٍ قَدْ قَدَّرَهُ اللَّهُ عَلَيَّ قَبْلَ أَنْ يَخْلُقَنِي؟! قَالَ: فَحَجَّ آدَمُ مُوسَى ".
قُلْتُ: مَدَارُ حَدِيثِ أَبِي سَعِيدٍ الْخُدْرِيِّ عَلَى أَبِي هَارُونَ الْعَبْدِيِّ وَهُوَ ضَعِيفٌ، وَاسْمُهُ عُمَارَةُ بْنُ جُوَيْنٍ.
وَلَهُ شَاهِدٌ مِنْ حَدِيثِ أَبِي هُرَيْرَةَ، رَوَاهُ الْبُخَارِيُّ وَمُسْلِمٌ وَأَبُو دَاوُدَ وَالتِّرْمِذِيُّ.
سیدنا ابو سعید خدری رضی اللہ عنہ سے روایت ہے کہ ”سیدنا آدم اور سیدنا موسیٰ علیہما السلام نے باہم بحث کی، تو سیدنا موسیٰ علیہ السلام نے سیدنا آدم علیہ السلام سے کہا: آپ وہی ہیں جنہیں اللہ تعالیٰ نے اپنے دستِ قدرت سے پیدا کیا، اپنی روح ان میں پھونکی اور اپنی جنت میں ٹھہرایا، پھر آپ نے ہمیں (مشقت میں ڈال کر) ہلاک کیا اور ہمیں بہکا دیا؛ اور انہوں نے اسی طرح کی مزید باتیں بھی کیں جو اللہ نے چاہیں۔ اس پر سیدنا آدم علیہ السلام نے ان سے فرمایا: تم وہی ہو جنہیں اللہ نے اپنی ہم کلامی اور رسالت کے لیے منتخب کیا، تو کیا تم مجھے ایسے معاملے پر ملامت کرتے ہو جو اللہ نے زمین و آسمان کی تخلیق سے بھی پہلے میرے لیے مقدر کر دیا تھا؟ رسول اللہ صلی اللہ علیہ وسلم نے فرمایا: ”پس آدم موسیٰ (علیہما السلام) پر غالب آگئے۔““
عبد بن حمید نے بھی اسے ابو ہارون سے روایت کیا ہے جس میں یہ الفاظ ہیں: ”تو کیا تم مجھے ایسے معاملے پر ملامت کرتے ہو جو میری پیدائش سے بھی پہلے میرے حق میں مقدر ہو چکا تھا؟ پس آدم موسیٰ (علیہما السلام) پر غالب آگئے۔“
حارث بن محمد بن ابی اسامہ نے سیدنا ابو سعید خدری رضی اللہ عنہ سے اور انہوں نے نبی کریم صلی اللہ علیہ وسلم سے روایت کیا ہے کہ آپ صلی اللہ علیہ وسلم نے فرمایا: ”سیدنا آدم اور سیدنا موسیٰ علیہما السلام کی ملاقات ہوئی، تو سیدنا موسیٰ علیہ السلام نے عرض کیا: اے آدم! آپ وہی شخصیت ہیں جنہیں اللہ نے اپنے دستِ قدرت سے پیدا کیا، اپنی جنت میں بسایا، اپنے فرشتوں سے سجدہ کروایا، اپنی روح آپ میں پھونکی، پھر آپ نے وہ (لغزش) کی جو کی، اور اپنی اولاد کو جنت سے نکلوا دیا۔ سیدنا آدم علیہ السلام نے جواب دیا: اے موسیٰ! آپ وہ ہیں جنہیں اللہ نے اپنی رسالتوں اور کلام کے لیے چن لیا، آپ کو سرگوشی کے لیے اپنا قرب عطا کیا اور آپ کو تورات عطا فرمائی، تو آپ اس میں اس گناہ کو، جو میں نے کیا، میرے عمل کرنے سے کتنا عرصہ قبل لکھا ہوا پاتے ہیں؟ انہوں نے عرض کیا: چالیس سال قبل۔ سیدنا آدم علیہ السلام نے فرمایا: تو پھر مجھے ملامت نہ کریں۔ نبی کریم صلی اللہ علیہ وسلم نے تین مرتبہ فرمایا: ”پس آدم موسیٰ (علیہما السلام) پر غالب آگئے۔““
ایک روایت میں حسن بصری رحمہ اللہ سے اسی طرح کی مرسل روایت مروی ہے جس میں یہ الفاظ ہیں کہ ”سیدنا آدم علیہ السلام نے فرمایا: میں پہلے (پیدا ہوا) ہوں یا یہ ذکر (تقدیر کا لکھا ہوا)؟“
ایک اور سند سے سیدنا ابو سعید خدری رضی اللہ عنہ ہی سے نبی کریم صلی اللہ علیہ وسلم کا اسی طرح کا ارشاد مروی ہے، البتہ اس میں یہ الفاظ ہیں کہ ”اے موسیٰ! تمہارا اس بارے میں کیا خیال ہے کہ جس چیز کا اللہ کو علم ہو کہ وہ ہو کر رہے گی، تو کیا اس کا ہونا ناگزیر نہیں ہے؟ راوی کہتے ہیں کہ آدم موسیٰ (علیہما السلام) پر غالب آگئے، آدم موسیٰ (علیہما السلام) پر غالب آگئے۔“
ابو یعلی موصلی نے ابو صالح رحمہ اللہ سے روایت کیا ہے کہ ”سیدنا آدم اور سیدنا موسیٰ علیہما السلام نے بحث کی، سیدنا موسیٰ علیہ السلام نے کہا: اے آدم! اللہ نے آپ کو اپنے دستِ قدرت سے پیدا کیا، اپنی روح پھونکی، فرشتوں کو حکم دیا تو انہوں نے آپ کو سجدہ کیا اور آپ کو اپنی جنت میں بسایا، پھر آپ نے لوگوں کو بہکا دیا اور انہیں جنت سے نکلوا دیا، تو سیدنا آدم علیہ السلام نے فرمایا: اے موسیٰ! آپ وہی ہیں جنہیں اللہ نے اپنی رسالت کے لیے چن لیا، آپ سے کلام فرمایا اور آپ پر تورات نازل کی، اور آپ کے ساتھ جو احسانات کیے وہ تذکرہ کیے۔ تو کیا آپ مجھے ایسے کام پر ملامت کرتے ہیں جو اللہ نے میری تخلیق سے بھی پہلے میرے لیے مقدر کر رکھا تھا؟ فرمایا: پس آدم موسیٰ (علیہما السلام) پر غالب آگئے۔“
میں (امام بوصیری) کہتا ہوں: سیدنا ابو سعید خدری رضی اللہ عنہ کی اس حدیث کا مدار ابو ہارون العبدی پر ہے اور وہ ضعیف ہے، اس کا نام عمارہ بن جوین ہے۔
البتہ اس حدیث کا ایک شاہد سیدنا ابو ہریرہ رضی اللہ عنہ کی حدیث سے موجود ہے جسے امام بخاری، مسلم، ابو داؤد اور ترمذی نے روایت کیا ہے۔ [إتحاف الخيرة المهرة بزوائد المسانيد العشرة/كتاب القدر/حدیث: 199]
تخریج الحدیث: «قلت: مدار حديث أبي سعيد الخدري على أبي هارون العبدي وهو ضعيف، واسمه عمارة بن جوين»
«(199/1) أخرجه صحيح البخاري برقم: 3228، 4461، وأخرجه صحيح مسلم برقم: 2652، وأخرجه سنن الترمذي برقم: 2134، وأخرجه سنن أبي داود برقم: 4701، وأخرجه سنن ابن ماجه برقم: 80، وأخرجه مسند أحمد برقم: 7340، 7534، 7579، 7796، 8851، 8925، 9500، 9664، وأخرجه فتح الباري برقم: 6240، وأخرجه مصنف عبد الرزاق برقم: 20067، وأخرجه المعجم الكبير للطبراني برقم: 1663، وأخرجه البحر الزخار المعروف بمسند البزار 10 - 18 برقم: 8833، 9346، 9487، 9856»
«(199/2) أخرجه صحيح البخاري برقم: 3228، 4461، وأخرجه صحيح مسلم برقم: 2652، وأخرجه سنن الترمذي برقم: 2134، وأخرجه سنن أبي داود برقم: 4701، وأخرجه سنن ابن ماجه برقم: 80، وأخرجه مسند أحمد برقم: 7340، 7534، 7579، 7796، 8851، 8925، 9500، 9664، وأخرجه فتح الباري برقم: 6240، وأخرجه مصنف عبد الرزاق برقم: 20067، وأخرجه المعجم الكبير للطبراني برقم: 1663، وأخرجه البحر الزخار المعروف بمسند البزار 10 - 18 برقم: 8833، 9346، 9487، 9856»
«(199/4) أخرجه صحيح البخاري برقم: 3228، 4461، وأخرجه صحيح مسلم برقم: 2652، وأخرجه سنن الترمذي برقم: 2134، وأخرجه سنن أبي داود برقم: 4701، وأخرجه سنن ابن ماجه برقم: 80، وأخرجه مسند أحمد برقم: 7340، 7534، 7579، 7796، 8851، 8925، 9500، 9664، وأخرجه فتح الباري برقم: 6240، وأخرجه مصنف عبد الرزاق برقم: 20067، وأخرجه المعجم الكبير للطبراني برقم: 1663، وأخرجه البحر الزخار المعروف بمسند البزار 10 - 18 برقم: 8833، 9346، 9487، 9856»

الحكم على الحديث:
إسناده ضعيف
مزید تخریج الحدیث شرح دیکھیں