🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب إتحاف الخيرة المهرة اور فضائل الصحابة اردو عربی سرچ سہولت کے ساتھ پیش کر دی گئی ہے۔ News
مسند أبي يعلى الموصلي سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مسند أبي يعلى الموصلي میں نمبر سے تلاش کل احادیث (7555)
حدیث نمبر لکھیں:
مسند أبي يعلى الموصلي میں عربی لفظ/الفاظ تلاش کریں
عربی لفظ / الفاظ لکھیں:
مسند أبي يعلى الموصلي میں اردو لفظ/الفاظ تلاش کریں
اردو لفظ / الفاظ لکھیں:
114. مُسْنَدُ أَنَسِ بْنِ مَالِكٍ
انس بن مالک کی مرویات کا بیان۔
شواہد الحدیث — مسند أبي يعلى الموصلي حدیث نمبر 3756 (کل: 11 مقامات، 7 کتب)
مسند ابی یعلیٰ موصلی: 3756
مسند الشهاب: 941، 1388
الجامع الكامل: 1054
مجمع الزاوئد ومنبع الفوائد: 11927، 11933
صحيح الجامع الصغير وزيادته: 306، 7366
المعجم الکبیر للطبرانی: 7869، 7994
المعجم الاوسط: 4656
1 تا 10
اظهار التشكيل
حدیث نمبر: 3756
وَبِهِ، عَنْ أَنَسٍ ، قَالَ رَسُولُ اللهِ صَلَّى اللهُ عَلَيْهِ وَسَلَّمَ: لَا تَعْجَبُوا بِعَمَلِ أَحَدٍ حَتَّى تَنْظُرُوا بِمَ يُخْتَمُ لَهُ، فَإِنَّ الْعَامِلَ يَعْمَلُ زَمَانًا مِنْ دَهْرِهِ بِعَمَلٍ صَالِحٍ لَوْ مَاتَ دَخَلَ الْجَنَّةَ، ثُمَّ يَتَحَوَّلُ فَيَعْمَلُ عَمَلًا سَيِّئًا، وَإِنَّ الْعَبْدَ لَيَعْمَلُ زَمَانًا مِنْ دَهْرِهِ بِعَمَلٍ سَيِّئٍ لَوْ مَاتَ دَخَلَ النَّارَ، ثُمَّ يَتَحَوَّلُ فَيَعْمَلُ عَمَلًا صَالِحًا، وَإِذَا أَرَادَ اللهُ بِعَبْدٍ خَيْرًا اسْتَعْمَلَهُ قَبْلَ مَوْتِهِ، قَالُوا: يَا رَسُولَ اللهِ، وَكَيْفَ يَسْتَعْمِلُهُ؟ قَالَ: يُوَفِّقُهُ لِعَمَلٍ صَالِحٍ ثُمَّ يَقْبِضُهُ.
سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”تم کسی کے عمل پر اس وقت تک رشک یا حیرت کا اظہار نہ کرو جب تک یہ نہ دیکھ لو کہ اس کا خاتمہ کس عمل پر ہوتا ہے، کیونکہ ایک عمل کرنے والا اپنی زندگی کے ایک طویل عرصے تک ایسے نیک عمل کرتا رہتا ہے کہ اگر وہ اسی حالت میں فوت ہو جائے تو جنت میں داخل ہو جائے، مگر پھر وہ بدل جاتا ہے اور برے عمل کرنے لگتا ہے، اور یقیناً ایک بندہ اپنی زندگی کی ایک طویل مدت تک ایسے برے عمل کرتا رہتا ہے کہ اگر وہ اسی حال میں مر جائے تو دوزخ میں چلا جائے، پھر وہ تبدیل ہو جاتا ہے اور نیک عمل کرنے لگتا ہے، اور جب اللہ تعالیٰ کسی بندے کے ساتھ خیر کا ارادہ فرماتا ہے تو موت سے پہلے اسے کام میں لگا لیتا ہے۔“ صحابہ کرام رضی اللہ عنہم نے عرض کیا: ”اے اللہ کے رسول صلی اللہ علیہ وسلم ! اللہ اسے کام میں کیسے لگاتا ہے؟“ آپ صلی اللہ علیہ وسلم نے ارشاد فرمایا: ”وہ اسے موت سے پہلے کسی نیک عمل کی توفیق عطا فرماتا ہے، پھر اسی حالت پر اس کی روح قبض کر لیتا ہے۔“ [مسند أبي يعلى الموصلي/مسند أنس بن مالك/حدیث: 3756]
تخریج الحدیث: «قال حسين سليم أسد: إسناده ضعيف .» ‏‏‏‏
«قال سعيد بن محمد السناري: صحيح»
«أخرجه الترمذى (2142)، وأحمد (3/ 106، 223، 230، 257)، وابن حبان (341)، والبغوى في "شرح السنة" (7/ 233)، والحاكم (1/ 490)، والطبرانى في "الأوسط" (2/ رقم 1941)، وعبد بن حميد في "المنتخب" (1393)، وابن أبى عاصم في "السنة" (رقم 393، 394، 395، 396، 397، 398، 399/ ظلال الجنة)، واللالكائى في "شرح الاعتقاد" (1/ رقم 1809/ طبعة دار البصيرة)، والبيهقى في "الأسماء والصفات" (رقم 310)، وفى "الاعتقاد" (رقم 107)، وفى "القضاء والقدر" (رقم 181) وإسماعيل بن جعفر في "حديثه" (رقم 73)، و، مسند ابویعلیٰ ترقیم الاثری: 3744»

الحكم على الحديث:
إسناده ضعيف
مزید تخریج الحدیث شرح دیکھیں
اظهار التشكيل
حدیث نمبر: 941
941 - أَخْبَرَنَا مُحَمَّدُ بْنُ مَنْصُورٍ التُّسْتَرِيُّ، أبنا عُمَرُ بْنُ أَحْمَدَ بْنِ عُثْمَانَ الْمَرْوَرُوذِيُّ أَبُو حَفْصٍ، ثنا مُحَمَّدُ بْنُ صَالِحِ بْنِ زُعَيْلٍ التَّمَّارُ، بِالْبَصْرَةِ، ثنا طَالُوتُ بْنُ عَبَّادٍ، ثنا فُضَالُ بْنُ جُبَيْرٍ، قَالَ: سَمِعْتُ أَبَا أُمَامَةَ الْبَاهِلِيَّ، يَقُولُ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «لَا تَعْجَبُوا بِعَمَلِ عَامِلٍ حَتَّى تَنْظُرُوا بِمَ يُخْتَمُ لَهُ»
سیدنا ابوامامہ باہلی رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”کسی عمل کرنے والے کے عمل پر اس وقت تک تعجب نہ کرو جب تک تم یہ نہ دیکھ لو کہ اس کا خاتمہ کس عمل پر ہو رہا ہے۔“ [مسند الشهاب/حدیث: 941]
تخریج الحدیث: «إسناده ضعيف، وأخرجه المعجم الكبير: 8025»
فضال بن جبیر ضعیف ہے۔
وضاحت: فائدہ: -
سیدنا انس رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا: ”کسی شخص پر اس وقت تک تعجب نہ کرو جب تک تم یہ نہ دیکھ لو کہ اس کا خاتمہ کس عمل پر ہو رہا ہے کیونکہ حقیقت یہ ہے کہ عمل کرنے والا اپنی زندگی میں طویل عرصے تک نیک عمل کرتا رہتا ہے اگر وہ اسی حالت پر فوت ہو جائے تو جنت میں داخل ہو جائے۔ لیکن پھر اس میں تبدیلی آجاتی ہے اور وہ برے عمل میں لگ جاتا ہے اور اسی طرح ایک بندہ لمبے عرصے تک عمل کرتا رہتا ہے اگر وہ ان پر مر جائے تو دوزخ میں جائے لیکن پھر اس میں تبدیلی آجاتی ہے اور وہ نیک عمل کرنے لگ جاتا ہے اور جب اللہ کسی بندے کے ساتھ بھلائی کا ارادہ کرتا ہے تو اسے (اطاعت والے) کاموں پر لگا دیتا ہے۔“ سیدنا صحابہ رضی اللہ عنہ نے عرض کیا: اللہ کے رسول! وہ (اللہ تعالیٰ ٰ) کس طرح کام پر لگا دیتا ہے؟ فرمایا: ”(موت سے پہلے) اسے نیک عمل کی توفیق عطا فرما دیتا ہے پھر اسی (نیک عمل) پر اس کی روح قبض کر لیتا ہے۔“ [أحمد: 3/120، صحيح]

الحكم على الحديث:
إسناده ضعيف
مزید تخریج الحدیث شرح دیکھیں
اظهار التشكيل
حدیث نمبر: 1388
1388 - أَخْبَرَنَا أَبُو مُحَمَّدٍ إِسْمَاعِيلُ بْنُ رَجَاءٍ الْعَسْقَلَانِيُّ، ثنا أَبُو نَصْرٍ مُحَمَّدُ بْنُ صَالِحٍ الْأَدِيبُ، ثنا مُحَمَّدُ بْنُ جَعْفَرٍ الْخَرَائِطِيُّ، ثنا إِبْرَاهِيمُ بْنُ الْجُنَيْدِ، قَالَ: ثنا حَفْصُ بْنُ عُمَرَ بْنِ سُوَيْدِ الْعُمَرِيُّ، ثنا عَمْرُو بْنُ وَاقِدٍ الدِّمَشْقِيُّ، عَنْ عَلِيِّ بْنِ يَزِيدَ، عَنِ الْقَاسِمِ، عَنْ أَبِي أُمَامَةَ، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «إِذَا أَرَادَ اللَّهُ بِعَبْدٍ خَيْرًا عَسَلَهُ قَبْلَ مَوْتِهِ» قَالُوا: يَا رَسُولَ اللَّهِ، وَمَا عَسَلَهُ؟ قَالَ: «يَهْدِيهِ لِعَمَلٍ صَالِحٍ يَقْبِضُهُ عَلَيْهِ»
سیدنا ابوامامہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”جب اللہ تعالیٰ کسی بندے کے ساتھ بھلائی کا ارادہ فرماتا ہے تو اس کی موت سے پہلے اسے شہد بنا دیتا ہے۔“ صحابہ نے عرض کیا: اللہ کے رسول! شہد بنانے سے کیا مراد ہے؟ فرمایا: ”کسی نیک عمل کی طرف اسے ہدایت فرماتا ہے پھر اس پر اس کی روح قبض کر لیتا ہے۔“ [مسند الشهاب/حدیث: 1388]
تخریج الحدیث: إسناده ضعيف جدا، علی بن یزید سخت ضعیف ہے۔

الحكم على الحديث:
إسناده ضعيف جدا
مزید تخریج الحدیث شرح دیکھیں
اظهار التشكيل
حدیث نمبر: 1054
1054. عن عائشة، قالت: قال رسول الله صلى الله عليه وسلم: إذا أراد الله بعبد خيراً عسّله. قلت: يا رسول الله، وكيف يُعسله؟ قال: يوفقه لعمل صالح قبل موته فيقبضه عليه.
تخریج الحدیث: «حسن: رواه الطّبرانيّ في الأوسط - مجمع البحرين (3238) – عن عبدالرحمن بن عمرو أبي زرعة، ثنا يحيى بن صالح الوُحاظيّ، ثنا يونس بن عثمان المقرئ، عن راشد بن سعد، عن عائشة، فذكرته.»

الحكم على الحديث:
حسن
مزید تخریج الحدیث شرح دیکھیں
اظهار التشكيل
حدیث نمبر: 11927
وَعَنْ أَبِي أُمَامَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ:" لَا تَعْجَبُوا لِعَمَلِ عَامِلٍ حَتَّى تَنْظُرُوا بِمَا يُخْتَمُ لَهُ".
رَوَاهُ الطَّبَرَانِيُّ، وَفِيهِ فَضَالُ بْنُ جُبَيْرٍ وَهُوَ ضَعِيفٌ.
سیدنا ابوامامہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ”کسی عمل کرنے والے کے عمل پر حیران نہ ہوؤ! جب تک تم اس بات کا جائزہ نہیں لیتے کہ اس کا خاتمہ کس چیز پر ہوا ہے؟“۔
یہ روایت امام طبرانی نے نقل کی ہے اس کی سند میں ایک راوی فضال بن جبیر ہے اور وہ ضعیف ہے۔ [مجمع الزاوئد ومنبع الفوائد/كتاب القدر/حدیث: 11927]
تخریج الحدیث: «اخرجه الطبراني فى المعجم الكبير (8025)، أخرجه المعجم الكبير للطبراني برقم: 8025»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 11933
وَعَنْ عَائِشَةَ قَالَتْ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ:" إِذَا أَرَادَ اللَّهُ بِعَبْدٍ خَيْرًا غَسَلَهُ"، قِيلَ: يَا رَسُولَ اللَّهِ، وَكَيْفَ غَسَلَهُ؟ قَالَ:" يُوَفِّقُهُ لِعَمَلٍ صَالِحٍ قَبْلَ مَوْتِهِ فَيَقْبِضُهُ عَلَيْهِ"، رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ غَيْرَ يُونُسَ بْنِ عُثْمَانَ وَهُوَ ثِقَةٌ.
سیدہ عائشہ صدیقہ رضی اللہ عنہا بیان کرتی ہیں: نبی اکرم صلی اللہ علیہ وسلم نے ارشاد فرمایا: ”جب اللہ تعالیٰ کسی بندے کے بارے میں بھلائی کا ارادہ کر لے، تو اسے دھو دیتا ہے، عرض کی گئی: یا رسول اللہ! وہ اُسے کیسے دھوتا ہے؟ نبی اکرم صلی اللہ علیہ وسلم نے ارشاد فرمایا: وہ اس کی موت سے پہلے اُسے نیک عمل کی توفیق دیتا ہے اور پھر اسی حالت میں اس کی جان قبض کرتا ہے۔“
یہ روایت امام طبرانی نے معجم اوسط میں نقل کی ہے اور اس کے رجال صحیح کے رجال ہیں، صرف یونس بن عثمان کا معاملہ مختلف ہے اور وہ ثقہ ہے۔ [مجمع الزاوئد ومنبع الفوائد/كتاب القدر/حدیث: 11933]

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 306
«إذا أراد الله بعبد خيرا طهره قبل موته قالوا: وما طهور العبد؟ قال: عمل صالح يلهمه إياه حتى يقبضه عليه»
(نبی کریم صلی اللہ علیہ وسلم نے فرمایا:)
”جب اللہ تعالیٰ کسی بندے کے ساتھ بھلائی کا ارادہ فرماتا ہے تو اسے مرنے سے پہلے پاک کر دیتا ہے۔ صحابہ نے عرض کیا: بندے کے پاک ہونے سے کیا مراد ہے؟ آپ صلی اللہ علیہ وسلم نے فرمایا: وہ ایک نیک عمل ہے جس کا اللہ اسے الہام کر دیتا ہے (توفیق دے دیتا ہے) یہاں تک کہ اسی حالت میں اس کی روح قبض کر لیتا ہے۔“ [صحيح الجامع الصغير وزيادته/[حرف الألف] -- أد/حدیث: 306]
تخریج الحدیث: «(صحيح) ... [طب] عن أبي أمامة. فيض القدير.»
قال الشيخ الألباني: صحيح

مزید تخریج الحدیث شرح دیکھیں
اظهار التشكيل
حدیث نمبر: 7366
«لا تعجبوا بعمل عامل حتى تنظروا بم يختم له»
(نبی کریم صلی اللہ علیہ وسلم نے فرمایا:)
”کسی عمل کرنے والے کے عمل سے تعجب مت کرو یہاں تک کہ دیکھ لو کہ اس کا خاتمہ کس چیز پر ہوتا ہے۔“ [صحيح الجامع الصغير وزيادته/حرف اللام ألف./حدیث: 7366]
تخریج الحدیث: «(صحيح) [طب] عن أبي أمامة. الصحيحة 1334: حم، ابن أبي عاصم - أنس.»
قال الشيخ الألباني: صحيح

مزید تخریج الحدیث شرح دیکھیں
اظهار التشكيل
حدیث نمبر: 7869
حَدَّثَنَا أَحْمَدُ بْنُ الْحُسَيْنِ الْحَذَّاءُ ، ثَنَا إِسْمَاعِيلُ بْنُ عُبَيْدِ بْنِ أَبِي كَرِيمَةَ ، ثَنَا مُحَمَّدُ بْنُ سَلَمَةَ ، عَنْ أَبِي عَبْدِ الرَّحِيمِ ، عَنْ أَبِي عَبْدِ الْمَلِكِ ، عَنِ الْقَاسِمِ ، عَنْ أَبِي أُمَامَةَ قَالَ: سَمِعْتُ رَسُولَ اللهِ - صَلَّى اللهُ عَلَيْهِ وَسَلَّمَ - يَقُولُ: إِذَا أَرَادَ اللهُ بِعَبْدٍ خَيْرًا طَهَّرَهُ قَبْلَ مَوْتِهِ. قَالُوا: يَا رَسُولَ اللهِ، وَمَا طَهُورُ الْعَبْدِ؟ قَالَ: " عَمَلٌ صَالِحٌ يُلْهِمُهُ إِيَّاهُ، حَتَّى يَقْبِضَهُ عَلَيْهِ.
سیدنا ابو امامہ رضی اللہ عنہ سے روایت ہے کہ میں نے رسول اللہ صلی اللہ علیہ وسلم کو فرماتے سنا: ”جب اللہ کسی بندے کے ساتھ بھلائی کا ارادہ فرماتا ہے تو اسے مرنے سے پہلے پاک کر دیتا ہے۔“ صحابہ نے عرض کیا: یا رسول اللہ! بندے کی پاکیزگی کیا ہے؟ فرمایا: ”ایک نیک عمل جس کی اسے توفیق دی جاتی ہے، یہاں تک کہ اسی پر اس کی جان قبض کر لی جاتی ہے۔“ [المعجم الكبير للطبراني/باب الصاد/حدیث: 7869]
تخریج الحدیث: «المعجم الكبير للطبراني (مطبوعہ): جلد 8، صفحہ 230، حدیث 7900»

مزید تخریج الحدیث شرح دیکھیں
اظهار التشكيل
حدیث نمبر: 7994
حَدَّثَنَا مُحَمَّدُ بْنُ خَالِدٍ الرَّاسِبِيُّ ، ثَنَا عَبْدُ الْوَاحِدِ بْنُ غِيَاثٍ ، ثَنَا فَضَالُ بْنُ جُبَيْرٍ ، ثَنَا أَبُو أُمَامَةَ قَالَ: قَالَ رَسُولُ اللهِ - صَلَّى اللهُ عَلَيْهِ وَسَلَّمَ -: لَا تَعْجَبُوا بِعَمَلِ عَامَلٍ حَتَّى تَنْظُرُوا بِمَا يُخْتَمُ لَهُ.
سیدنا ابوامامہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”کسی عمل کرنے والے کے عمل پر خوش مت ہو جب تک یہ نہ دیکھ لو کہ اس کا خاتمہ کس پر ہوتا ہے۔“ [المعجم الكبير للطبراني/باب الصاد/حدیث: 7994]
تخریج الحدیث: «المعجم الكبير للطبراني (مطبوعہ): جلد 8، صفحہ 264، حدیث 8025»

مزید تخریج الحدیث شرح دیکھیں