(نبی کریم صلی اللہ علیہ وسلم نے فرمایا:)
”بیشک اللہ تعالیٰ جنتیوں سے فرمائے گا: اے جنت والو! وہ عرض کریں گے: ہمارے پروردگار! ہم حاضر ہیں، ہر سعادت تیرے ہاتھ میں ہے اور تمام بھلائی تیرے ہی پاس ہے۔ اللہ تعالیٰ فرمائے گا: کیا تم راضی ہو گئے؟ وہ عرض کریں گے: بھلا ہم کیوں راضی نہ ہوں گے جبکہ تو نے ہمیں وہ کچھ عطا فرما دیا ہے جو اپنی مخلوق میں سے کسی اور کو نہیں دیا۔ اللہ فرمائے گا: کیا میں تمہیں اس سے بھی افضل چیز نہ عطا کروں؟ وہ عرض کریں گے: اے ہمارے رب! اس سے افضل اور کیا چیز ہو سکتی ہے؟ اللہ تعالیٰ فرمائے گا: میں تم پر اپنی رضا مندی ہمیشہ کے لیے واجب کر دیتا ہوں، پس اس کے بعد میں تم پر کبھی ناراض نہیں ہوں گا۔“ [صحيح الجامع الصغير وزيادته/[حَرْفُ الْأَلِفِ] -- إِنَّ اللَّهَ/حدیث: 1911]