اللہ تعالیٰ کے اس ارشاد کے بیان میں کہ: ”جب عمران کی اہلیہ نے عرض کیا کہ اے میرے پروردگار! جو کچھ میرے بطن میں ہے، میں نے اسے تیرے لیے (دنیاوی علائق سے) آزاد یعنی خالص تیری خدمت کے لیے وقف کرنے کی نذر مانی ہے، پس تو اسے میری جانب سے قبول فرما لے، بے شک تو ہی سب کچھ سننے والا اور خوب جاننے والا ہے، پھر جب انہوں نے اس بچی کو جنم دیا تو (حسرت سے) عرض کیا کہ اے میرے رب! میں نے تو لڑکی جنی ہے—حالانکہ اللہ خوب جانتا تھا کہ انہوں نے کیا جنا ہے—اور وہ لڑکا (جس کی وہ تمنا کر رہی تھیں) اس لڑکی جیسا (باعظمت) نہیں ہو سکتا، اور میں نے اس کا نام مریم رکھا ہے، اور میں اسے اور اس کی اولاد کو شیطان مردود کے شر سے تیری پناہ میں دیتی ہوں“۔