(١٢٥٤٥) حضرت ابن عباس رضی اللہ عنہ کھڑے ہو کر (بصرہ میں) لوگوں کو خطبہ دے رہے تھے۔ سورة بقرہ پڑھی اور اس میں جو تھا اسے واضح کیا۔ جب اس آیت پر پہنچے، { إِنْ تَرَکَ خَیْرًا الْوَصِیَّۃُ لِلْوَالِدَیْنِ وَالأَقْرَبِینَ } تو فرمایا: یہ آیت منسوخ ہوگئی۔ پھر اس کے بعد والی کا ذکر کیا۔ [السنن الكبرى للبيهقي/كِتَابُ الوَصَايَا/حدیث: 12545]

(١٢٥٤٦) حضرت ابن عباس رضی اللہ عنہ سے آیت { إِنْ تَرَکَ خَیْرًا الْوَصِیَّۃُ لِلْوَالِدَیْنِ وَالأَقْرَبِینَ } کے بارے میں منقول ہے کہ پہلے وصیت جائز تھی یہاں تک آیۃ المیراث نے سے منسوخ کردیا۔ [السنن الكبرى للبيهقي/كِتَابُ الوَصَايَا/حدیث: 12546]

(١٢٥٤٧) حضرت ابن عمر رضی اللہ عنہ سے روایت ہے کہ وصیت کو آیۃ المیراث نے منسوخ کردیا، یعنی { الْوَصِیَّۃُ لِلْوَالِدَیْنِ وَالأَقْرَبِینَ } [السنن الكبرى للبيهقي/كِتَابُ الوَصَايَا/حدیث: 12547]

(١٢٥٤٨) امام شافعی (رح) فرماتے ہیں: اسی طرح اکثر لوگوں نے کہا، سوائے طاؤس اور کچھ لوگ ان کے ساتھ اور ہیں جو کہتے ہیں: وصیت ان رشتہ داروں کے لیے ثابت ہے جو وارث نہ ہوں۔ پس جس نے غیر رشتہ دار کے لیے وصیت کی تو جائز نہیں۔ ہم نے رسول اللہ کو پایا، آپ نے چھ غلاموں کے بارے میں فیصلہ کیا، وہ ایک آدمی کے تھے۔ اس کے پاس ان کے علاوہ اور مال نہ تھا۔ اس نے ان کو موت کے وقت آزاد کردیا۔ نبی صلی اللہ علیہ وآلہ وسلم نے ان کو تین حصوں میں تقسیم کردیا: دو غلاموں کو آزاد کردیا اور چار کو باقی رکھا۔ [السنن الكبرى للبيهقي/كِتَابُ الوَصَايَا/حدیث: 12548]

(١٢٥٤٩) امام شافعی (رح) فرماتے ہیں: حضرت عمران بن حصین کی حدیث میں دلیل ہے کہ رسول اللہ صلی اللہ علیہ وآلہ وسلم ان کی آزادی کے وقت آئے۔ بیماری میں وصیت کی وجہ سے عرب کے اس شخص نے ان کو آزاد کیا تھا اور وہ عربی ان کا مالک تھا، اس کا عربوں اور عجمیوں میں کوئی رشتہ دار نہ تھا۔ نبی صلی اللہ علیہ وآلہ وسلم نے ان کو وصیت کی اجازت دے دی۔ [السنن الكبرى للبيهقي/كِتَابُ الوَصَايَا/حدیث: 12549]

(١٢٥٥٠) حضرت عمران بن حصین رضی اللہ عنہ سے روایت ہے کہ ایک آدمی نے اپنی موت کے وقت چھ غلام آزاد کیے، اس کے ورثاء آئے۔ انھوں نے نبی صلی اللہ علیہ وآلہ وسلم کو اس کے فعل کی خبر دی۔ آپ صلی اللہ علیہ وآلہ وسلم نے فرمایا: اگر ہمیں اس بات کا علم ہوتا تو ہم اس کی نماز جنازہ نہ پڑھتے۔ رسول اللہ صلی اللہ علیہ وآلہ وسلم نے ان میں قرعہ ڈالا دوکو آزاد کردیا اور چار کو غلام بنادیا۔ [السنن الكبرى للبيهقي/كِتَابُ الوَصَايَا/حدیث: 12550]

(١٢٥٥١) پچھلی حدیث کی طرح ہے۔ [السنن الكبرى للبيهقي/كِتَابُ الوَصَايَا/حدیث: 12551]

(١٢٥٥٢) طلحہ بن معرف فرماتے ہیں: میں نے عبداللہ بن ابی اوفیٰ سے سوال کیا: کیا رسول اللہ صلی اللہ علیہ وآلہ وسلم نے وصیت کی تھی؟ اس نے کہا: نہیں، میں نے کہا: لوگوں پر تو وصیت فرض کی گئی یا لوگوں کو تو وصیت کا حکم دیا گیا ہے۔ کہا: اللہ تعالیٰ نے اپنی کتاب میں وصیت کی ہے۔ [السنن الكبرى للبيهقي/كِتَابُ الوَصَايَا/حدیث: 12552]

(١٢٥٥٣) حضرت عائشہ رضی اللہ عنہ سے روایت ہے کہ رسول اللہ صلی اللہ علیہ وآلہ وسلم نے نہ دینار، نہ درہم اور نہ کوئی سواری چھوڑی اور نہ آپ صلی اللہ علیہ وآلہ وسلم نے کسی چیز کی وصیت کی۔ [السنن الكبرى للبيهقي/كِتَابُ الوَصَايَا/حدیث: 12553]

(١٢٥٥٤) عبیداللہ بن عبداللہ بن عتبہ فرماتے ہیں کہ رسول اللہ صلی اللہ علیہ وآلہ وسلم نے اپنی وفات کے وقت تین چیزوں کی وصیت کی، رہاویوں کے لیے خیبر کے سو عمدہ وسق کی وصیت کی۔ داریوں کے لیے خیبر کے سو عمدہ وسق کی وصیت کی۔ اہل شنیہ کے لیے سو عمدہ وسق خیبر کی وصیت کی اور اشعریوں کے لیے سو عمدہ وسق خیبر کی وصیت کی اور یہ وصیت کی کہ اسامہ بن زید رضی اللہ عنہ کو جہاد کے لیے روانہ کیا جائے اور یہ وصیت کی کہ جزیرۃ العرب میں دودیننہ چھوڑتے جائیں، یعنی صرف دین اسلام ہو باقی تمام ادیان کو جزیرۃ العرب سے ختم کردیا جائے۔
(٣) باب
مَا جَائَ فِی قَوْلِہِ تَعَالَی { وَإِذَا حَضَرَ الْقِسْمَۃَ أُولُو الْقُرْبَی وَالْیَتَامَی وَالْمَسَاکِینُ فَارْزُقُوہُمْ مِنْہُ وَقُولُوا لَہُمْ قَوْلاً مَعْرُوفًا }
اللہ تعالیٰ کا فرمان { وَإِذَا حَضَرَ الْقِسْمَۃَ أُولُو الْقُرْبَی وَالْیَتَامَی وَالْمَسَاکِینُ فَارْزُقُوہُمْ مِنْہُ وَقُولُوا لَہُمْ قَوْلاً مَعْرُوفًا } [السنن الكبرى للبيهقي/كِتَابُ الوَصَايَا/حدیث: 12554]