”آپ فرما دیجیے کہ آؤ میں تمہیں وہ چیزیں پڑھ کر سناؤں جو تمہارے رب نے تم پر حرام کی ہیں، وہ یہ کہ تم اس کے ساتھ کسی بھی چیز کو شریک نہ ٹھہراؤ، اور والدین کے ساتھ حسنِ سلوک کرو، اور اپنی اولاد کو مفلسی کے سبب قتل نہ کرو، ہم ہی تمہیں بھی رزق دیتے ہیں اور انہیں بھی، اور بے حیائی کے کاموں کے قریب نہ جاؤ خواہ وہ ظاہر ہوں یا پوشیدہ، اور اس جان کو قتل نہ کرو جسے اللہ نے محترم ٹھہرایا ہے مگر حق کے ساتھ؛ یہ وہ باتیں ہیں جن کا اللہ نے تمہیں تاکیدی حکم دیا ہے تاکہ تم عقل و دانش سے کام لو۔“

اللہ تعالیٰ کے اس ارشاد کے بیان میں کہ ”اور یہ کہ یقیناً یہی میرا سیدھا راستہ ہے، پس تم اسی کی اتباع کرو اور دیگر راستوں کی پیروی نہ کرو کہ وہ تمہیں اللہ کی راہ سے جدا کر دیں گے؛ یہی وہ بات ہے جس کا اس نے تمہیں تاکیدی حکم دیا ہے تاکہ تم تقویٰ اختیار کرو۔“

اللہ تعالیٰ کے اس ارشاد کے بیان میں ”پھر ہم نے موسیٰ (علیہ السلام) کو کتاب عطا فرمائی تاکہ اس شخص پر اپنی نعمت کی تکمیل کر دیں جس نے نیکی اور خیر کا راستہ اپنایا، اور وہ کتاب ہر ضروری چیز کی تفصیل اور مجسم ہدایت و رحمت تھی تاکہ وہ اپنے پروردگار سے ملاقات پر کامل یقین و ایمان لے آئیں۔“

اللہ تعالیٰ کے اس ارشاد کے بیان میں کہ ”اور یہ ایک ایسی کتاب ہے جسے ہم نے نازل فرمایا ہے جو سراپا برکت ہے، پس تم اسی کی اتباع کرو اور تقویٰ اختیار کرو تاکہ تم پر رحم کیا جائے (۱۵۵)“۔

اللہ تعالیٰ کے اس ارشاد کے متعلق کہ ”کیا وہ (کفار) صرف اس بات کے منتظر ہیں کہ ان کے پاس فرشتے پہنچ جائیں یا خود آپ کا رب جلوہ فرما ہو یا آپ کے رب کی بعض (بڑی) نشانیاں نمودار ہو جائیں؟ جس دن آپ کے رب کی بعض نشانیاں آ جائیں گی تو کسی ایسے شخص کو اس کا ایمان فائدہ نہ دے گا جو اس سے پہلے ایمان نہ لایا ہو یا جس نے اپنے ایمان کی حالت میں کوئی نیک عمل نہ کمایا ہو، آپ فرما دیجیے کہ ”تم بھی انتظار کرو، ہم بھی یقیناً انتظار کرنے والے ہیں۔““