”اور زمین میں ایک دوسرے سے ملے ہوئے مختلف قطعات پائے جاتے ہیں اور انگوروں کے باغات، کھیتیاں اور کھجور کے وہ درخت ہیں جو ایک ہی جڑ سے اگتے ہیں اور وہ بھی جو جداگانہ جڑوں والے ہیں، ان سب کو ایک ہی پانی سے سیراب کیا جاتا ہے اور ہم ذائقے اور لذت میں بعض کو بعض پر فضیلت عطا کرتے ہیں، یقیناً اس میں ان لوگوں کے لیے قدرت کی بڑی نشانیاں ہیں جو عقل و شعور سے کام لیتے ہیں۔“

اللہ تعالیٰ کے اس ارشادِ گرامی کے بیان میں کہ ”اللہ بخوبی جانتا ہے جو کچھ ہر مادہ (اپنے شکم میں) اٹھائے ہوئے ہے اور رحموں کا گھٹنا اور ان کا بڑھنا بھی (اس کے علم میں ہے)، اور اس کے ہاں ہر چیز ایک مقررہ مقدار کے ساتھ ہے۔“

اللہ تعالیٰ کے اس فرمان کے متعلق ہے ”اور کڑک اس (اللہ) کی حمد کے ساتھ تسبیح کرتی ہے اور فرشتے بھی اس کی ہیبت و خشیت سے تسبیح بیان کرتے ہیں، اور وہی بجلیاں بھیجتا ہے پھر جس پر چاہتا ہے ان کا نشانہ بناتا ہے، جبکہ وہ اللہ کے بارے میں بحث و تکرار کر رہے ہوتے ہیں اور وہ (اللہ) بڑی قوت اور سخت گرفت والا ہے۔“

اللہ تعالیٰ کے اس ارشادِ گرامی کے بیان میں ہے کہ ”اسی نے آسمان سے پانی نازل فرمایا تو وادیاں اپنی اپنی گنجائش کے مطابق بہہ نکلیں، پھر اس سیلاب نے اوپر آئی ہوئی ابھری ہوئی جھاگ کو اٹھا لیا، اور جس (دھات) کو لوگ زیور یا کوئی اور برتنے کا سامان بنانے کی طلب میں آگ میں تپاتے ہیں اس سے بھی ایسی ہی جھاگ اٹھتی ہے؛ اسی طرح اللہ حق اور باطل کی مثال بیان فرماتا ہے، سو وہ جو جھاگ ہے وہ تو ضائع ہو کر ختم ہو جاتی ہے اور جو چیز لوگوں کو نفع دیتی ہے وہ زمین میں ٹہری رہتی ہے؛ اسی طرح اللہ تعالیٰ (حق و باطل کی تمیز کے لیے) مثالیں بیان فرماتا ہے“۔

اللہ تعالیٰ کے اس ارشادِ گرامی کے بیان میں کہ ”ہمیشہ رہنے کے باغات ہیں جن میں وہ داخل ہوں گے اور ان کے آباء و اجداد، ان کی ازواج اور ان کی اولاد میں سے جو بھی نیکوکار ہوں گے (وہ بھی ان کے ساتھ ہوں گے)، اور فرشتے ہر دروازے سے ان کے پاس (یہ کہتے ہوئے) داخل ہوں گے کہ ”تم پر سلامتی ہو تمہارے صبر کے بدلے، پس کیا ہی بہترین ہے یہ آخرت کا انجام اور گھر“۔“

اللہ تعالیٰ کے اس ارشاد کے بیان میں کہ ”اللہ تعالیٰ جس کے لیے چاہتا ہے رزق کشادہ کر دیتا ہے اور (جس کے لیے چاہتا ہے) نپا تلا یعنی تنگ کر دیتا ہے، اور وہ دنیوی زندگی پر پھولے نہیں سماتے حالانکہ آخرت کے مقابلے میں دنیا کی زندگی محض ایک عارضی نفع اور حقیر سامانِ زیست کے سوا کچھ نہیں ہے۔“

”اسی طرح ہم نے آپ کو ایک ایسی امت میں مبعوث فرمایا ہے جس سے پہلے بہت سی امتیں گزر چکی ہیں، تاکہ آپ انہیں وہ کلام پڑھ کر سنائیں جو ہم نے آپ کی طرف وحی کیا ہے، حالانکہ وہ رحمان کے ساتھ کفر کر رہے ہیں؛ آپ فرما دیجیے کہ وہی میرا رب ہے، اس کے سوا کوئی معبودِ برحق نہیں، اسی پر میں نے بھروسہ کیا ہے اور اسی کی جناب میں میرا رجوع ہے۔“