اللہ تعالیٰ کے اس ارشادِ گرامی کے بیان میں کہ ”آپ فرما دیجیے کہ حق آ چکا ہے، اور باطل نہ تو کسی نئی چیز کی ابتدا کر سکتا ہے اور نہ ہی اسے دوبارہ لوٹا سکتا ہے“۔

”آپ فرما دیجیے کہ اگر میں راہِ حق سے بھٹک جاؤں تو میری اس گمراہی کا وبال میری اپنی ہی ذات پر ہے، اور اگر میں ہدایت پا جاؤں تو یہ اس وحی کی برکت سے ہے جو میرا رب میری طرف نازل فرماتا ہے، بے شک وہ سب کچھ سننے والا اور بہت قریب ہے“۔

”اور کاش تم (وہ منظر) دیکھ سکو جب وہ (عذاب دیکھ کر) سخت گھبراہٹ میں ہوں گے، پھر وہ (گرفت سے) بچ نہ سکیں گے اور وہ قریب ہی کی جگہ سے پکڑ لیے جائیں گے، اور وہ کہیں گے کہ ”ہم اس (حق) پر ایمان لائے“، بھلا اب اتنی دور کی جگہ سے (ایمان کا) پا لینا ان کے لیے کہاں ممکن ہے؟ حالانکہ وہ اس سے پہلے اس کے ساتھ کفر کر چکے تھے اور بن دیکھے دور دراز مقام سے (حق کے خلاف) بے بنیاد باتیں ہانکتے تھے، اور ان کے درمیان اور ان کی خواہشات کے درمیان آڑ ڈال دی گئی جیسا کہ ان سے پہلے ان کے ہم مشرب لوگوں کے ساتھ کیا گیا تھا، بے شک وہ سب ایسے شک میں پڑے ہوئے تھے جس نے انہیں اضطراب میں ڈال رکھا تھا۔“