(نبی کریم صلی اللہ علیہ وسلم نے فرمایا:)
”بلاشبہ اس نماز میں لوگوں کی عام گفتگو میں سے کوئی چیز درست نہیں ہے، یہ تو صرف تسبیح، تکبیر اور قرآن کی قرآت کا نام ہے۔“ [صحيح الجامع الصغير وزيادته/[حرف الألف] -- إن ب/حدیث: 2265]

(نبی کریم صلی اللہ علیہ وسلم نے فرمایا:)
”بلاشبہ یہ نماز (یعنی عصر کی نماز) تم سے پہلی امتوں کے سامنے پیش کی گئی تھی تو انہوں نے اسے ضائع کر دیا تھا، لہٰذا جو شخص تم میں سے آج اس کی حفاظت کرے گا، اس کے لیے اس کا اجر دوگنا ہوگا، اور اس کے بعد کوئی نماز نہیں ہے یہاں تک کہ شاہد (یعنی ستارہ) طلوع ہو جائے۔“ [صحيح الجامع الصغير وزيادته/[حرف الألف] -- إن ب/حدیث: 2266]

(نبی کریم صلی اللہ علیہ وسلم نے فرمایا:)
”بلاشبہ یہ قبریں اپنے اندر موجود لوگوں کے لیے اندھیروں سے بھری ہوئی ہیں، اور بلاشبہ اللہ تعالیٰ میری ان پر نماز (جنازہ یا دعا) کی برکت سے ان کے لیے انہیں روشن کر دیتا ہے۔“ [صحيح الجامع الصغير وزيادته/[حرف الألف] -- إن ب/حدیث: 2267]

(نبی کریم صلی اللہ علیہ وسلم نے فرمایا:)
”بلاشبہ یہ مساجد کسی بھی قسم کی گندگی، پیشاب اور نجاست کے لائق نہیں ہیں، یہ تو صرف قرآن کریم کی تلاوت، اللہ کے ذکر اور نماز کے لیے بنائی گئی ہیں۔“ [صحيح الجامع الصغير وزيادته/[حرف الألف] -- إن ب/حدیث: 2268]

(نبی کریم صلی اللہ علیہ وسلم نے فرمایا:)
”بلاشبہ یہ آگ تمہاری دشمن ہے، لہٰذا جب تم سونے لگو تو اسے اپنے پاس سے بجھا دیا کرو۔“ [صحيح الجامع الصغير وزيادته/[حرف الألف] -- إن ب/حدیث: 2269]

(نبی کریم صلی اللہ علیہ وسلم نے فرمایا:)
”بلاشبہ یہ لیٹنے کا ایسا انداز ہے جسے اللہ تعالیٰ پسند نہیں فرماتے۔“ [صحيح الجامع الصغير وزيادته/[حرف الألف] -- إن ب/حدیث: 2270]

(نبی کریم صلی اللہ علیہ وسلم نے فرمایا:)
”بلاشبہ یہ لیٹنے کا ایسا انداز ہے جس سے اللہ تعالیٰ سخت بغض رکھتا ہے (یعنی پیٹ کے بل لیٹنا)۔“ [صحيح الجامع الصغير وزيادته/[حرف الألف] -- إن ب/حدیث: 2271]

(نبی کریم صلی اللہ علیہ وسلم نے فرمایا:)
”بلاشبہ یہ حیض (ماہواری کا خون) نہیں ہے، بلکہ یہ ایک رگ کا خون ہے، لہٰذا جب حیض کے دن گزر جائیں تو غسل کر کے نماز پڑھو، اور جب وہ ایام آئیں تو ان دنوں میں نماز چھوڑ دو۔“ [صحيح الجامع الصغير وزيادته/[حرف الألف] -- إن ب/حدیث: 2272]

(نبی کریم صلی اللہ علیہ وسلم نے فرمایا:)
”بلاشبہ یہ کافروں کے کپڑوں میں سے ہے، لہٰذا تم اسے نہ پہنو (یعنی معصفر لباس جو زرد رنگ میں رنگا ہوتا ہے)۔“ [صحيح الجامع الصغير وزيادته/[حرف الألف] -- إن ب/حدیث: 2273]

(نبی کریم صلی اللہ علیہ وسلم نے فرمایا:)
”بلاشبہ یہ دونوں چیزیں میری امت کے مردوں پر حرام ہیں اور ان کی عورتوں کے لیے حلال ہیں (یعنی سونا اور ریشم)۔“ [صحيح الجامع الصغير وزيادته/[حرف الألف] -- إن ب/حدیث: 2274]