(نبی کریم صلی اللہ علیہ وسلم نے فرمایا:)
”اثمد (سرمہ) نگاہ کو روشن کرتا ہے اور (پلکوں کے) بال اگاتا ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2761]

(نبی کریم صلی اللہ علیہ وسلم نے فرمایا:)
”احسان یہ ہے کہ تم اللہ کی بندگی اس طرح کرو گویا تم اسے دیکھ رہے ہو، پس اگر تم اسے نہیں دیکھ رہے تو وہ یقیناً تمہیں دیکھ رہا ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2762]

(نبی کریم صلی اللہ علیہ وسلم نے فرمایا:)
”چاروں بہنیں یعنی میمونہ، ام الفضل، سلمیٰ اور ان کی ماں شریک بہن اسماء بنت عمیس مومنات (پکے ایمان والی) ہیں۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2763]

(نبی کریم صلی اللہ علیہ وسلم نے فرمایا:)
”اذان کے انیس کلمات ہیں اور اقامت کے سترہ کلمات ہیں۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2764]

(نبی کریم صلی اللہ علیہ وسلم نے فرمایا:)
”دونوں کان سر ہی کا حصہ ہیں۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2765]

(نبی کریم صلی اللہ علیہ وسلم نے فرمایا:)
”زمین اللہ کی ہے اور بندے (بھی) اللہ ہی کے بندے ہیں، جس نے کسی بنجر (مردہ) زمین کو آباد کیا تو وہ اسی کی ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2766]

(نبی کریم صلی اللہ علیہ وسلم نے فرمایا:)
”قبرستان اور حمام (غسل خانے) کے سوا ساری زمین ہی مسجد (یعنی سجدہ گاہ اور نماز پڑھنے کی جگہ) ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2767]

(نبی کریم صلی اللہ علیہ وسلم نے فرمایا:)
”روحیں اکٹھے کیے گئے لشکروں کی مانند ہیں، عالمِ ارواح میں ان میں سے جن کی آپس میں پہچان ہو گئی وہ (دنیا میں بھی) گھل مل جاتی ہیں اور جو وہاں ایک دوسرے کے لیے ناآشنا رہیں وہ (یہاں بھی) آپس میں اختلاف رکھتی ہیں۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2768]

(نبی کریم صلی اللہ علیہ وسلم نے فرمایا:)
”تہبند (ازار) آدھی پنڈلی تک ہونا چاہیے یا ٹخنوں تک، اس سے نیچے لٹکانے میں کوئی بھلائی نہیں ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2769]

(نبی کریم صلی اللہ علیہ وسلم نے فرمایا:)
”کپڑا لٹکانا تہبند، قمیص اور عمامے میں (ہوتا) ہے، جس شخص نے غرور و تکبر کی وجہ سے ان میں سے کسی بھی چیز کو (زمین پر) گھسیٹا تو اللہ تعالیٰ قیامت کے دن اس کی طرف (رحمت کی نگاہ سے) نہیں دیکھے گا۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2770]