(نبی کریم صلی اللہ علیہ وسلم نے فرمایا:)
”اترانا (یعنی تکبر کرنا اور حد سے بڑھنا) بری بات ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2781]

(نبی کریم صلی اللہ علیہ وسلم نے فرمایا:)
”(دیت میں تمام) انگلیاں برابر ہیں، ہر ایک کے بدلے دس دس اونٹ ہیں۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2782]

(نبی کریم صلی اللہ علیہ وسلم نے فرمایا:)
”تمام انگلیاں (قصاص اور دیت میں) برابر ہیں، ان میں سے ہر ایک کی دیت دس اونٹ ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2783]

(نبی کریم صلی اللہ علیہ وسلم نے فرمایا:)
”انگلیاں برابر ہیں اور دانت بھی برابر ہیں، سامنے کا دانت اور داڑھ برابر ہیں، یہ اور یہ برابر ہیں۔“ (راوی کہتے ہیں کہ اس سے مراد انگوٹھا اور چھنگلیا ہے)۔ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2784]

(نبی کریم صلی اللہ علیہ وسلم نے فرمایا:)
”قیامت کے دن زیادہ مالدار لوگ ہی سب سے نیچے (کم تر درجے میں) ہوں گے، سوائے اس شخص کے جس نے اپنے مال کو اس طرح اور اس طرح (یعنی دائیں بائیں، آگے پیچھے نیک کاموں میں) خرچ کیا اور اسے حلال و پاکیزہ کمائی سے حاصل کیا ہو۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2785]

(نبی کریم صلی اللہ علیہ وسلم نے فرمایا:)
”امام ضامن (یعنی ذمہ دار) ہوتا ہے، پس اگر وہ اچھی طرح نماز پڑھائے تو اس کا ثواب اسے بھی ملے گا اور مقتدیوں کو بھی، اور اگر وہ کوئی غلطی کرے تو اس کا وبال اسی پر ہوگا، مقتدیوں پر نہیں۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2786]

(نبی کریم صلی اللہ علیہ وسلم نے فرمایا:)
”امام ضامن ہے اور مؤذن امانت دار ہے، «اللَّهُمَّ أَرْشِدِ الْأَئِمَّةَ وَاغْفِرْ لِلْمُؤَذِّنِينَ» اے اللہ! اماموں کی رہنمائی فرما اور مؤذنوں کی مغفرت فرما۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2787]

(نبی کریم صلی اللہ علیہ وسلم نے فرمایا:)
”امیر (حکمران) قریش میں سے ہوں گے، جب تک وہ تمہارے درمیان تین باتوں پر عمل پیرا رہیں گے: جب ان سے رحم کی درخواست کی جائے تو رحم کریں، جب مال تقسیم کریں تو انصاف کریں، اور جب فیصلہ کریں تو عدل سے کام لیں۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2788]

(نبی کریم صلی اللہ علیہ وسلم نے فرمایا:)
”معاملہ (یعنی موت کا وقت) اس (انسان کی امید) سے کہیں زیادہ تیزی سے آنے والا ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2789]

(نبی کریم صلی اللہ علیہ وسلم نے فرمایا:)
”انبیاء کرام اپنی قبروں میں زندہ ہیں اور نماز پڑھتے ہیں۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2790]