(نبی کریم صلی اللہ علیہ وسلم نے فرمایا:)
”ایمان کی ساٹھ سے زائد شاخیں ہیں، اور حیاء بھی ایمان کی ایک (اہم) شاخ ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2801]

(نبی کریم صلی اللہ علیہ وسلم نے فرمایا:)
”ایمان دھوکے سے اچانک قتل کرنے کے راستے میں رکاوٹ ہے، کوئی مومن کسی کو دھوکے سے قتل نہیں کرتا۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2802]

(نبی کریم صلی اللہ علیہ وسلم نے فرمایا:)
”ایمان یمنی ہے (یعنی اہل یمن کے ایمان کا مقام بہت بلند ہے)۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2803]

(نبی کریم صلی اللہ علیہ وسلم نے فرمایا:)
”ایمان یمنی ہے۔ سن لو! بے شک سختی اور دلوں کا کٹھور پن اونٹوں کے پیچھے چلنے والے شور مچانے والے چرواہوں میں ہے، جہاں شیطان کے دونوں سینگ طلوع ہوتے ہیں، (یعنی) قبیلہ ربیعہ اور مضر میں۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2804]

(نبی کریم صلی اللہ علیہ وسلم نے فرمایا:)
”ایمان تو یمنی ہے، البتہ فتنے اس طرف ہیں اور اسی جگہ (مشرق کی طرف) سے شیطان کا سینگ طلوع ہوگا۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2805]

(نبی کریم صلی اللہ علیہ وسلم نے فرمایا:)
”ایمان یمنی ہے، کفر مشرق کی جانب ہے، بکریوں کے پالنے والوں کے لیے سکون اور وقار ہے، جبکہ فخر اور ریاکاری شور مچانے والے گھوڑوں اور اونٹوں کے مالکان میں ہے۔ (پھر فرمایا:) مسیح (دجال) آئے گا، اور جب وہ جبلِ احد کے پیچھے پہنچے گا تو فرشتے اس کا رخ شام کی طرف موڑ دیں گے اور وہ وہیں ہلاک ہوگا۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2806]

(نبی کریم صلی اللہ علیہ وسلم نے فرمایا:)
”دائیں جانب والے کا حق پہلے ہے، پھر (اس کے بعد آنے والے) دائیں جانب والے کا حق ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2807]

(نبی کریم صلی اللہ علیہ وسلم نے فرمایا:)
”دائیں جانب والے ہی (پہلے حقدار ہیں)، دائیں جانب والے ہی (پہلے حقدار ہیں)، دائیں جانب والے ہی (پہلے حقدار ہیں)۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2808]

(نبی کریم صلی اللہ علیہ وسلم نے فرمایا:)
”شوہر دیدہ (بیوہ یا طلاق یافتہ) عورت اپنے ولی کی نسبت اپنے نفس کے فیصلے کا زیادہ حق رکھتی ہے، اور کنواری لڑکی سے بھی اس کے نکاح کے بارے میں اجازت طلب کی جائے گی، اور اس کی اجازت اس کی خاموشی ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 2809]