(نبی کریم صلی اللہ علیہ وسلم نے فرمایا:)
”ابو طلحہ کی آواز لشکر میں ہزار آدمیوں سے بہتر ہے۔“ [صحيح الجامع الصغير وزيادته/حرف الصاد/حدیث: 3800]

(نبی کریم صلی اللہ علیہ وسلم نے فرمایا:)
”دو آوازیں دنیا اور آخرت میں ملعون ہیں: خوشی کے موقع پر باجا (ساز) بجانا، اور مصیبت کے وقت چیخ و پکار (نوحہ) کرنا۔“ [صحيح الجامع الصغير وزيادته/حرف الصاد/حدیث: 3801]

(نبی کریم صلی اللہ علیہ وسلم نے فرمایا:)
”ہر مہینے تین دن کا روزہ اور ایک رمضان سے دوسرے رمضان تک کا روزہ، یہ ہمیشہ کے روزے اور اس کے افطار کے برابر ہے۔“ [صحيح الجامع الصغير وزيادته/حرف الصاد/حدیث: 3802]

(نبی کریم صلی اللہ علیہ وسلم نے فرمایا:)
”صبر کے مہینے کا روزہ اور ہر مہینے کے تین دن کا روزہ ہمیشہ کے روزوں کے برابر ہے۔“ [صحيح الجامع الصغير وزيادته/حرف الصاد/حدیث: 3803]

(نبی کریم صلی اللہ علیہ وسلم نے فرمایا:)
”صبر کے مہینے کا روزہ اور ہر مہینے کے تین دن کا روزہ سینے کی جلن (کینہ) کو دور کر دیتا ہے۔“ [صحيح الجامع الصغير وزيادته/حرف الصاد/حدیث: 3804]

(نبی کریم صلی اللہ علیہ وسلم نے فرمایا:)
”عرفہ کے دن کا روزہ گزشتہ اور آئندہ سال کے (گناہوں کے) کفارہ کا سبب ہے۔“ [صحيح الجامع الصغير وزيادته/حرف الصاد/حدیث: 3805]

(نبی کریم صلی اللہ علیہ وسلم نے فرمایا:)
”عرفہ کے دن کا روزہ گزشتہ اور آئندہ، دو سالوں کے گناہوں کا کفارہ بنتا ہے، اور عاشوراء کے دن کا روزہ گزشتہ ایک سال کے گناہوں کا کفارہ بنتا ہے۔“ [صحيح الجامع الصغير وزيادته/حرف الصاد/حدیث: 3806]

(نبی کریم صلی اللہ علیہ وسلم نے فرمایا:)
”تمہارے روزے کا دن وہی ہے جس دن تم (سب) روزہ رکھو، اور تمہاری قربانی کا دن وہی ہے جس دن تم (سب) قربانی کرو۔“ [صحيح الجامع الصغير وزيادته/حرف الصاد/حدیث: 3807]

(نبی کریم صلی اللہ علیہ وسلم نے فرمایا:)
”مہینے کا روزہ رکھو اور اس کی آخری تاریکی والی راتوں کا بھی۔“ [صحيح الجامع الصغير وزيادته/حرف الصاد/حدیث: 3808]

(نبی کریم صلی اللہ علیہ وسلم نے فرمایا:)
”چاند دیکھ کر روزہ رکھو اور چاند دیکھ کر روزہ چھوڑو، اور اگر تمہارے اور چاند کے درمیان بادل حائل ہو جائیں تو شعبان کی گنتی پوری کر لو، اور مہینے (رمضان) کا استقبال پیشگی نہ کرو، اور شعبان کے کسی دن کو رمضان سے نہ ملاؤ۔“ [صحيح الجامع الصغير وزيادته/حرف الصاد/حدیث: 3809]