(نبی کریم صلی اللہ علیہ وسلم نے فرمایا:)
”اپنے جوتوں سمیت نماز پڑھو اور یہود کی مشابہت اختیار نہ کرو۔“ [صحيح الجامع الصغير وزيادته/حرف الصاد/حدیث: 3790]

(نبی کریم صلی اللہ علیہ وسلم نے فرمایا:)
”مغرب سے پہلے دو رکعتیں پڑھو، مغرب سے پہلے دو رکعتیں پڑھو، جو چاہے (پڑھ لے)۔“ [صحيح الجامع الصغير وزيادته/حرف الصاد/حدیث: 3791]

(نبی کریم صلی اللہ علیہ وسلم نے فرمایا:)
”اگر تم بیت اللہ میں داخل ہونا چاہتی ہو تو حِجر (اسماعیل) میں نماز پڑھ لو، کیونکہ وہ بیت اللہ ہی کا ایک حصہ ہے، لیکن تمہاری قوم نے جب کعبہ تعمیر کیا تو اسے مختصر کر دیا اور اسے بیت اللہ سے نکال دیا۔“ [صحيح الجامع الصغير وزيادته/حرف الصاد/حدیث: 3792]

(نبی کریم صلی اللہ علیہ وسلم نے فرمایا:)
”سب سے افضل روزے رکھو، اور وہ داؤد علیہ السلام کے روزے ہیں: ایک دن روزہ رکھنا اور ایک دن نہ رکھنا۔“ [صحيح الجامع الصغير وزيادته/حرف الصاد/حدیث: 3793]

(نبی کریم صلی اللہ علیہ وسلم نے فرمایا:)
”صبر کے مہینے رمضان کا روزہ رکھو، صبر کے مہینے کا روزہ رکھو اور ہر مہینے کے تین دن (کا روزہ رکھو)۔“ [صحيح الجامع الصغير وزيادته/حرف الصاد/حدیث: 3794]

(نبی کریم صلی اللہ علیہ وسلم نے فرمایا:)
”نیکی کے کام بری موتوں، آفتوں اور ہلاکتوں سے بچاتے ہیں، اور دنیا میں نیکی کرنے والے ہی آخرت میں بھی نیکی والے (شمار) ہوں گے۔“ [صحيح الجامع الصغير وزيادته/حرف الصاد/حدیث: 3795]

(نبی کریم صلی اللہ علیہ وسلم نے فرمایا:)
”نیکی کے کام بری موتوں سے بچاتے ہیں، پوشیدہ صدقہ رب کے غضب کو بجھا دیتا ہے، صلہ رحمی عمر میں اضافہ کرتی ہے، اور ہر نیکی صدقہ ہے، دنیا میں نیکی کرنے والے ہی آخرت میں بھی نیکی والے ہوں گے، اور دنیا میں برائی کرنے والے ہی آخرت میں بھی برائی والے ہوں گے۔“ [صحيح الجامع الصغير وزيادته/حرف الصاد/حدیث: 3796]

(نبی کریم صلی اللہ علیہ وسلم نے فرمایا:)
”نیکی کے کام بری موتوں سے بچاتے ہیں، پوشیدہ صدقہ رب کے غضب کو بجھا دیتا ہے، اور صلہ رحمی عمر میں اضافہ کرتی ہے۔“ [صحيح الجامع الصغير وزيادته/حرف الصاد/حدیث: 3797]

(نبی کریم صلی اللہ علیہ وسلم نے فرمایا:)
”میری امت کی دو قسموں کے لوگوں کو میری شفاعت کبھی نہیں پہنچے گی: ظالم و جابر حکمران، اور ہر وہ غالی جو دین سے نکل گیا ہو۔“ [صحيح الجامع الصغير وزيادته/حرف الصاد/حدیث: 3798]

(نبی کریم صلی اللہ علیہ وسلم نے فرمایا:)
”جہنمیوں کی دو قسمیں ایسی ہیں جو میں نے ابھی تک نہیں دیکھیں: ایک وہ لوگ جن کے پاس گائے کی دموں جیسے کوڑے ہوں گے جن سے وہ لوگوں کو ماریں گے، اور دوسری وہ عورتیں جو کپڑے پہن کر بھی ننگی ہوں گی، دوسروں کو مائل کرنے والی اور خود مائل ہونے والی، ان کے سر بختی اونٹوں کے جھکے ہوئے کوہانوں جیسے ہوں گے، یہ عورتیں نہ جنت میں داخل ہوں گی اور نہ اس کی خوشبو پائیں گی، حالانکہ اس کی خوشبو اتنی اتنی دور سے محسوس کی جا سکتی ہے۔“ [صحيح الجامع الصغير وزيادته/حرف الصاد/حدیث: 3799]