(نبی کریم صلی اللہ علیہ وسلم نے فرمایا:)
”پوشیدہ صدقہ رب کے غضب کو بجھا دیتا ہے، صلہ رحمی عمر میں اضافہ کرتی ہے، اور نیکی کرنا بری موت سے بچاتا ہے۔“ [صحيح الجامع الصغير وزيادته/حرف الصاد/حدیث: 3760]

(نبی کریم صلی اللہ علیہ وسلم نے فرمایا:)
”صدقہ فطر ایک صاع کھجور یا ایک صاع جو یا دو مد گندم ہے، ہر چھوٹے بڑے، آزاد اور غلام کی طرف سے۔“ [صحيح الجامع الصغير وزيادته/حرف الصاد/حدیث: 3761]

(نبی کریم صلی اللہ علیہ وسلم نے فرمایا:)
”یہ ایک صدقہ ہے جو اللہ نے تم پر کیا ہے، پس اس کے صدقے کو قبول کرو۔“ [صحيح الجامع الصغير وزيادته/حرف الصاد/حدیث: 3762]

(نبی کریم صلی اللہ علیہ وسلم نے فرمایا:)
”رشتہ دار کی طرف سے رشتہ دار کو دیا گیا صدقہ، صدقہ بھی ہے اور صلہ رحمی بھی۔“ [صحيح الجامع الصغير وزيادته/حرف الصاد/حدیث: 3763]

(نبی کریم صلی اللہ علیہ وسلم نے فرمایا:)
”تمہارے چھوٹے بچے (جو فوت ہو جائیں) جنت کے کیڑے (چھوٹی مخلوق) ہیں، ان میں سے کوئی اپنے باپ سے ملے گا تو اس کا کپڑا پکڑ لے گا اور اس وقت تک نہیں چھوڑے گا جب تک اللہ اسے اور اس کے باپ کو جنت میں داخل نہ کر دے۔“ [صحيح الجامع الصغير وزيادته/حرف الصاد/حدیث: 3764]

(نبی کریم صلی اللہ علیہ وسلم نے فرمایا:)
”اللہ کی چنی ہوئی سرزمین شام ہے، اور اس میں اس کی مخلوق اور بندوں میں سے اس کے چنیدہ لوگ ہیں، اور میری امت میں سے ایک جماعت ضرور جنت میں داخل ہو گی، ان پر نہ کوئی حساب ہو گا اور نہ عذاب۔“ [صحيح الجامع الصغير وزيادته/حرف الصاد/حدیث: 3765]

(نبی کریم صلی اللہ علیہ وسلم نے فرمایا:)
”صلہ رحمی عمر میں اضافہ کرتی ہے اور پوشیدہ صدقہ رب کے غضب کو بجھا دیتا ہے۔“ [صحيح الجامع الصغير وزيادته/حرف الصاد/حدیث: 3766]

(نبی کریم صلی اللہ علیہ وسلم نے فرمایا:)
”صلہ رحمی، حسنِ اخلاق اور اچھا پڑوس، یہ گھروں کو آباد کرتے ہیں اور عمروں میں اضافہ کرتے ہیں۔“ [صحيح الجامع الصغير وزيادته/حرف الصاد/حدیث: 3767]

(نبی کریم صلی اللہ علیہ وسلم نے فرمایا:)
”رشتہ داری جوڑنا مال میں اضافہ، گھر والوں میں محبت اور موت کی مہلت (عمر میں اضافے) کا سبب ہے۔“ [صحيح الجامع الصغير وزيادته/حرف الصاد/حدیث: 3768]

(نبی کریم صلی اللہ علیہ وسلم نے فرمایا:)
”جو تم سے قطع تعلق کرے اس سے تعلق جوڑے رکھو، جو تمہارے ساتھ برائی کرے اس کے ساتھ بھلائی کرو، اور حق بات کہو چاہے اپنے خلاف ہی کیوں نہ ہو۔“ [صحيح الجامع الصغير وزيادته/حرف الصاد/حدیث: 3769]