(نبی کریم صلی اللہ علیہ وسلم نے فرمایا:)
”میری اس مسجد میں ایک نماز پڑھنا مسجد حرام کے سوا باقی تمام مسجدوں میں ہزار نمازوں سے افضل ہے، اور مسجد حرام میں ایک نماز پڑھنا میری اس مسجد کی نماز سے سو نمازیں زیادہ افضل ہے۔“ [صحيح الجامع الصغير وزيادته/حرف الصاد/حدیث: 3841]

(نبی کریم صلی اللہ علیہ وسلم نے فرمایا:)
”امام کے ساتھ نماز پڑھنا اکیلے پچیس نمازیں پڑھنے سے افضل ہے۔“ [صحيح الجامع الصغير وزيادته/حرف الصاد/حدیث: 3842]

(نبی کریم صلی اللہ علیہ وسلم نے فرمایا:)
”دو نمازوں کے بعد نماز نہیں پڑھی جاتی: فجر کی نماز کے بعد یہاں تک کہ سورج طلوع ہو جائے، اور عصر کی نماز کے بعد یہاں تک کہ سورج غروب ہو جائے۔“ [صحيح الجامع الصغير وزيادته/حرف الصاد/حدیث: 3843]

(نبی کریم صلی اللہ علیہ وسلم نے فرمایا:)
”تمہارا (اے عورتو!) اپنے گھروں میں نماز پڑھنا تمہارے کمروں میں نماز پڑھنے سے افضل ہے، اور تمہارا اپنے کمروں میں نماز پڑھنا تمہارے احاطوں (صحنوں) میں نماز پڑھنے سے افضل ہے، اور تمہارا اپنے احاطوں میں نماز پڑھنا مسجدِ جماعت میں نماز پڑھنے سے افضل ہے۔“ [صحيح الجامع الصغير وزيادته/حرف الصاد/حدیث: 3844]

(نبی کریم صلی اللہ علیہ وسلم نے فرمایا:)
”اس امت کے پہلے لوگوں کی اصلاح زہد اور یقین کے ذریعے ہوئی، اور اس کے آخری لوگ بخل اور (طویل) امیدوں کی وجہ سے ہلاک ہوں گے۔“ [صحيح الجامع الصغير وزيادته/حرف الصاد/حدیث: 3845]

(نبی کریم صلی اللہ علیہ وسلم نے فرمایا:)
”نوزائیدہ بچے کا (پیدائش کے وقت) رونا شیطان کے وسوسے (کچوکے) کی وجہ سے ہوتا ہے۔“ [صحيح الجامع الصغير وزيادته/حرف الصاد/حدیث: 3846]

(نبی کریم صلی اللہ علیہ وسلم نے فرمایا:)
”آدمی کا اللہ کی راہ میں روزہ رکھنا اسے جہنم سے ستر سال کی مسافت جتنا دور کر دیتا ہے۔“ [صحيح الجامع الصغير وزيادته/حرف الصاد/حدیث: 3847]

(نبی کریم صلی اللہ علیہ وسلم نے فرمایا:)
”ہر مہینے تین دن روزہ رکھنا ہمیشہ روزہ رکھنے کے برابر ہے، اور اس کا افطار بھی۔“ [صحيح الجامع الصغير وزيادته/حرف الصاد/حدیث: 3848]

(نبی کریم صلی اللہ علیہ وسلم نے فرمایا:)
”ہر مہینے تین دن روزہ رکھنا ہمیشہ روزہ رکھنے کے برابر ہے، اور وہ ایامِ بیض ہیں: تیرہویں، چودہویں اور پندرہویں تاریخ کی صبح۔“ [صحيح الجامع الصغير وزيادته/حرف الصاد/حدیث: 3849]

(نبی کریم صلی اللہ علیہ وسلم نے فرمایا:)
”مہینے میں تین دن کا روزہ اچھا روزہ ہے۔“ [صحيح الجامع الصغير وزيادته/حرف الصاد/حدیث: 3850]