(نبی کریم صلی اللہ علیہ وسلم نے فرمایا:)
”ٹھہرو اے خالد! اسے برا بھلا نہ کہو، اس ذات کی قسم جس کے ہاتھ میں میری جان ہے! اس نے ایسی توبہ کی ہے کہ اگر کوئی ناجائز ٹیکس وصول کرنے والا بھی ایسی توبہ کرے تو اسے بخش دیا جائے۔“ [صحيح الجامع الصغير وزيادته/حرف الميم./حدیث: 6628]

(نبی کریم صلی اللہ علیہ وسلم نے فرمایا:)
”اہلِ مدینہ کی میقات ذوالحلیفہ ہے، اور دوسرے راستے والوں کی جحفہ ہے، اہلِ عراق کی میقات ذات عرق ہے، اہلِ نجد کی قرن ہے، اور اہلِ یمن کی یلملم ہے۔“ [صحيح الجامع الصغير وزيادته/حرف الميم./حدیث: 6629]

(نبی کریم صلی اللہ علیہ وسلم نے فرمایا:)
”ہمارے موالی (آزاد کردہ غلام) ہم ہی میں سے ہیں۔“ [صحيح الجامع الصغير وزيادته/حرف الميم./حدیث: 6630]

(نبی کریم صلی اللہ علیہ وسلم نے فرمایا:)
”اچانک موت اللہ کی طرف سے غضب کی گرفت ہے۔“ [صحيح الجامع الصغير وزيادته/حرف الميم./حدیث: 6631]

(نبی کریم صلی اللہ علیہ وسلم نے فرمایا:)
”بنجر (بےآباد) زمین اللہ اور اس کے رسول کی ہے، پس جو اس میں سے کچھ آباد کر لے وہ اسی کی ہو جائے گی۔“ [صحيح الجامع الصغير وزيادته/حرف الميم./حدیث: 6632]

(نبی کریم صلی اللہ علیہ وسلم نے فرمایا:)
”موسیٰ بن عمران علیہ السلام اللہ کے برگزیدہ (چنے ہوئے) بندے ہیں۔“ [صحيح الجامع الصغير وزيادته/حرف الميم./حدیث: 6633]

(نبی کریم صلی اللہ علیہ وسلم نے فرمایا:)
”تہبند کی جگہ پنڈلیوں کے وسط اور پنڈلی کے گوشت تک ہے، اگر تم نہ مانو تو اس سے نیچے تک، اور اگر پھر بھی نہ مانو تو پنڈلی کے پیچھے تک، لیکن ٹخنوں کا تہبند میں کوئی حق نہیں۔“ [صحيح الجامع الصغير وزيادته/حرف الميم./حدیث: 6634]

(نبی کریم صلی اللہ علیہ وسلم نے فرمایا:)
”جنت میں ایک کوڑے برابر جگہ دنیا اور اس کی ہر چیز سے بہتر ہے۔“ [صحيح الجامع الصغير وزيادته/حرف الميم./حدیث: 6635]

(نبی کریم صلی اللہ علیہ وسلم نے فرمایا:)
”اللہ کی راہ میں ایک گھڑی کھڑا ہونا حجرِ اسود کے پاس شب قدر کے قیام سے بہتر ہے۔“ [صحيح الجامع الصغير وزيادته/حرف الميم./حدیث: 6636]

(نبی کریم صلی اللہ علیہ وسلم نے فرمایا:)
”کسی قوم کا مولیٰ (آزاد کردہ غلام یا حلیف) خود اسی قوم میں سے ہے۔“ [صحيح الجامع الصغير وزيادته/حرف الميم./حدیث: 6637]