(نبی کریم صلی اللہ علیہ وسلم نے فرمایا:)
”اگر میں اللہ کی نافرمانی کروں تو پھر کون اللہ کی اطاعت کرے گا؟! اللہ تعالیٰ نے مجھے تمام اہلِ زمین پر امانت دار بنایا ہے اور تم مجھ پر بھروسا نہیں کرتے؟! بےشک اس شخص کی نسل سے ایسے لوگ نکلیں گے جو قرآن پڑھیں گے مگر وہ ان کے حلق سے نیچے نہیں اترے گا، وہ دین سے اس طرح نکل جائیں گے جیسے تیر شکار کے جسم سے نکل جاتا ہے، وہ اہلِ اسلام کو قتل کریں گے اور بت پرستوں کو چھوڑ دیں گے، اگر میں انہیں پاؤں تو انہیں قومِ عاد کی طرح قتل کر دوں گا۔“ [صحيح الجامع الصغير وزيادته/حرف الميم./حدیث: 6618]

(نبی کریم صلی اللہ علیہ وسلم نے فرمایا:)
”جو اپنے بھائی کی ضرورت پوری کرنے میں لگا رہے اللہ تعالیٰ اس کی ضرورت پوری کرنے میں لگا رہے گا۔“ [صحيح الجامع الصغير وزيادته/حرف الميم./حدیث: 6619]

(نبی کریم صلی اللہ علیہ وسلم نے فرمایا:)
”منیٰ ہر اس شخص کے ٹھہرنے کی جگہ ہے جو پہلے پہنچے۔“ [صحيح الجامع الصغير وزيادته/حرف الميم./حدیث: 6620]

(نبی کریم صلی اللہ علیہ وسلم نے فرمایا:)
”میرا یہ منبر جنت کے دروازوں میں سے ایک دروازے پر ہے۔“ [صحيح الجامع الصغير وزيادته/حرف الميم./حدیث: 6621]

(نبی کریم صلی اللہ علیہ وسلم نے فرمایا:)
”ہمارا کل کا پڑاؤ، ان شاء اللہ، خیف بنی کنانہ میں ہوگا، جہاں انہوں نے کفر پر آپس میں قسمیں کھائی تھیں۔“ [صحيح الجامع الصغير وزيادته/حرف الميم./حدیث: 6622]

(نبی کریم صلی اللہ علیہ وسلم نے فرمایا:)
”عراق اپنا درہم اور اپنا پیمانہ روک لے گا، شام اپنا مد اور اپنا دینار روک لے گا، اور مصر اپنا اردب اور اپنا دینار روک لے گا، اور تم وہیں لوٹ جاؤ گے جہاں سے شروع کیا تھا، تم وہیں لوٹ جاؤ گے جہاں سے شروع کیا تھا، تم وہیں لوٹ جاؤ گے جہاں سے شروع کیا تھا۔“ [صحيح الجامع الصغير وزيادته/حرف الميم./حدیث: 6623]

(نبی کریم صلی اللہ علیہ وسلم نے فرمایا:)
”دو حریص کبھی سیر نہیں ہوتے: علم کا طالب اور دنیا کا طالب۔“ [صحيح الجامع الصغير وزيادته/حرف الميم./حدیث: 6624]

(نبی کریم صلی اللہ علیہ وسلم نے فرمایا:)
”رک جاؤ! تم پر لازم ہے کہ اتنے ہی اعمال کرو جتنی تم میں طاقت ہو، کیونکہ اللہ کی قسم! اللہ تعالیٰ نہیں اکتاتا جب تک تم خود نہ اکتا جاؤ۔“ [صحيح الجامع الصغير وزيادته/حرف الميم./حدیث: 6625]

(نبی کریم صلی اللہ علیہ وسلم نے فرمایا:)
”رکو اے عائشہ! اللہ تعالیٰ بےحیائی اور بےحیائی کرنے کو پسند نہیں فرماتا۔“ [صحيح الجامع الصغير وزيادته/حرف الميم./حدیث: 6626]

(نبی کریم صلی اللہ علیہ وسلم نے فرمایا:)
”نرمی سے اے عائشہ! تم پر نرمی لازم ہے، سختی اور بےحیائی سے بچو۔“ [صحيح الجامع الصغير وزيادته/حرف الميم./حدیث: 6627]