(نبی کریم صلی اللہ علیہ وسلم نے فرمایا:)
”جو جنت میں داخل ہوگا وہ اس میں ہمیشہ آسودہ رہے گا، کبھی تنگ دست نہیں ہوگا، اس کے کپڑے پرانے نہیں ہوں گے اور اس کی جوانی ختم نہیں ہوگی۔“ [صحيح الجامع الصغير وزيادته/حرف الميم./حدیث: 6608]

(نبی کریم صلی اللہ علیہ وسلم نے فرمایا:)
”جو دکھاوا کرے اللہ تعالیٰ اسے رسوا کرے گا، اور جو شہرت کے لیے عمل کرے اللہ تعالیٰ اسے رسوا کرے گا۔“ [صحيح الجامع الصغير وزيادته/حرف الميم./حدیث: 6609]

(نبی کریم صلی اللہ علیہ وسلم نے فرمایا:)
”جس کے ساتھ اللہ تعالیٰ بھلائی کا ارادہ فرماتا ہے اسے آزمائش میں مبتلا کر دیتا ہے۔“ [صحيح الجامع الصغير وزيادته/حرف الميم./حدیث: 6610]

(نبی کریم صلی اللہ علیہ وسلم نے فرمایا:)
”جس کے ساتھ اللہ تعالیٰ بھلائی کا ارادہ فرماتا ہے اسے دین کی سمجھ عطا فرما دیتا ہے۔“ [صحيح الجامع الصغير وزيادته/حرف الميم./حدیث: 6611]

(نبی کریم صلی اللہ علیہ وسلم نے فرمایا:)
”جس کے ساتھ اللہ تعالیٰ بھلائی کا ارادہ فرماتا ہے اسے دین کی سمجھ عطا فرما دیتا ہے، اور میں تو صرف تقسیم کرنے والا ہوں، دینے والا اللہ ہے، اور یہ امت ہمیشہ اللہ کے حکم پر قائم رہے گی، انہیں مخالفت کرنے والوں سے کوئی نقصان نہ پہنچے گا یہاں تک کہ اللہ عزوجل کا حکم آ جائے۔“ [صحيح الجامع الصغير وزيادته/حرف الميم./حدیث: 6612]

(نبی کریم صلی اللہ علیہ وسلم نے فرمایا:)
”جو قریش کی تذلیل چاہے اللہ تعالیٰ اسے ذلیل کر دے گا۔“ [صحيح الجامع الصغير وزيادته/حرف الميم./حدیث: 6613]

(نبی کریم صلی اللہ علیہ وسلم نے فرمایا:)
”جس نے کسی تنگ دست کے لیے آسانی پیدا کی اللہ تعالیٰ دنیا اور آخرت میں اس کے لیے آسانی پیدا فرمائے گا۔“ [صحيح الجامع الصغير وزيادته/حرف الميم./حدیث: 6614]

(نبی کریم صلی اللہ علیہ وسلم نے فرمایا:)
”تم میں سے جو نبیذ پیے وہ اسے صرف کشمش سے بنا کر پیے، یا صرف کھجور سے، یا صرف کچی کھجور سے۔“ [صحيح الجامع الصغير وزيادته/حرف الميم./حدیث: 6615]

(نبی کریم صلی اللہ علیہ وسلم نے فرمایا:)
”جو ثنیہ مرار (نامی گھاٹی) پر چڑھے گا اس سے وہی گناہ اتار دیے جائیں گے جو بنی اسرائیل سے اتارے گئے تھے۔“ [صحيح الجامع الصغير وزيادته/حرف الميم./حدیث: 6616]

(نبی کریم صلی اللہ علیہ وسلم نے فرمایا:)
”جو مجھے اپنی زبان اور اپنی شرمگاہ کی ضمانت دے میں اسے جنت کی ضمانت دیتا ہوں۔“ [صحيح الجامع الصغير وزيادته/حرف الميم./حدیث: 6617]