(نبی کریم صلی اللہ علیہ وسلم نے فرمایا:)
”تم جسے کسی جانور سے بدفعلی کرتے ہوئے پاؤ اسے قتل کر دو اور اس جانور کو بھی قتل کر دو۔“ [صحيح الجامع الصغير وزيادته/حرف الميم./حدیث: 6588]

(نبی کریم صلی اللہ علیہ وسلم نے فرمایا:)
”تم جسے قوم لوط کا سا عمل کرتے ہوئے پاؤ تو فاعل اور مفعول دونوں کو قتل کر دو۔“ [صحيح الجامع الصغير وزيادته/حرف الميم./حدیث: 6589]

(نبی کریم صلی اللہ علیہ وسلم نے فرمایا:)
”جس نے صف کو ملایا اللہ تعالیٰ اسے (اپنی رحمت سے) ملائے گا، اور جس نے صف کو کاٹا اللہ تعالیٰ اسے کاٹ دے گا۔“ [صحيح الجامع الصغير وزيادته/حرف الميم./حدیث: 6590]

(نبی کریم صلی اللہ علیہ وسلم نے فرمایا:)
”جس نے شراب رکھی۔۔۔، اور جو اس کے پینے کا عادی ہو گیا اسے خبال (جہنمیوں کے زخموں کا مواد) پلایا جائے گا۔“ [صحيح الجامع الصغير وزيادته/حرف الميم./حدیث: 6591]

(نبی کریم صلی اللہ علیہ وسلم نے فرمایا:)
”جس نے تکبر کے ساتھ اپنے تہبند کے پلو کو زمین پر گھسیٹتے ہوئے روندا وہ جہنم میں روندا جائے گا۔“ [صحيح الجامع الصغير وزيادته/حرف الميم./حدیث: 6592]

(نبی کریم صلی اللہ علیہ وسلم نے فرمایا:)
”جسے اللہ تعالیٰ اس کے دونوں جبڑوں کے درمیان (زبان) کے شر اور دونوں ٹانگوں کے درمیان (شرمگاہ) کے شر سے محفوظ رکھے وہ جنت میں داخل ہوگا۔“ [صحيح الجامع الصغير وزيادته/حرف الميم./حدیث: 6593]

(نبی کریم صلی اللہ علیہ وسلم نے فرمایا:)
”جو قضاء (منصفی) کا عہدہ سنبھالے گویا اسے بغیر چھری کے ذبح کر دیا گیا۔“ [صحيح الجامع الصغير وزيادته/حرف الميم./حدیث: 6594]

(نبی کریم صلی اللہ علیہ وسلم نے فرمایا:)
”جسے مسلمانوں کے کسی معاملے کا اختیار دیا گیا اور اس نے ان کی ضروریات، حاجات، غربت اور مفلسی سے پردہ کر لیا تو اللہ تعالیٰ قیامت کے دن اس سے پردہ کر لے گا اور اس کی ضرورت، حاجت، مفلسی اور غربت سے منہ موڑ لے گا۔“ [صحيح الجامع الصغير وزيادته/حرف الميم./حدیث: 6595]

(نبی کریم صلی اللہ علیہ وسلم نے فرمایا:)
”تم میں سے جو کسی عہدے پر فائز ہو اور اللہ تعالیٰ اس کے ساتھ بھلائی کا ارادہ فرمائے تو اس کے لیے ایک نیک مشیر مقرر فرما دیتا ہے، اگر وہ بھول جائے تو وہ اسے یاد دلاتا ہے اور اگر وہ یاد رکھے تو اس کی مدد کرتا ہے۔“ [صحيح الجامع الصغير وزيادته/حرف الميم./حدیث: 6596]

(نبی کریم صلی اللہ علیہ وسلم نے فرمایا:)
”جو لوگوں پر رحم نہیں کرتا اللہ تعالیٰ بھی اس پر رحم نہیں کرتا۔“ [صحيح الجامع الصغير وزيادته/حرف الميم./حدیث: 6597]