(نبی کریم صلی اللہ علیہ وسلم نے فرمایا:)
”کھجور کیا ہی اچھا سحری کا کھانا ہے۔“ [صحيح الجامع الصغير وزيادته/حرف النون./حدیث: 6772]

(نبی کریم صلی اللہ علیہ وسلم نے فرمایا:)
”یہ دونوں سورتیں کیا ہی اچھی ہیں جو فجر سے پہلے کی دو رکعتوں میں پڑھی جاتی ہیں: سورۃ الکافرون اور سورۃ الاخلاص۔“ [صحيح الجامع الصغير وزيادته/حرف النون./حدیث: 6773]

(نبی کریم صلی اللہ علیہ وسلم نے فرمایا:)
”دودھ دینے والی اونٹنی کا عاریتاً دینا کیا ہی اچھا صدقہ ہے، اور دودھ دینے والی بکری کا عاریتاً دینا بھی کیا ہی اچھا صدقہ ہے، وہ صبح ایک برتن دودھ لے کر جاتی ہے اور شام کو ایک برتن لے کر واپس آتی ہے۔“ [صحيح الجامع الصغير وزيادته/حرف النون./حدیث: 6774]

(نبی کریم صلی اللہ علیہ وسلم نے فرمایا:)
”کیا ہی اچھی موت ہے کہ آدمی اپنے حق کا دفاع کرتے ہوئے مر جائے۔“ [صحيح الجامع الصغير وزيادته/حرف النون./حدیث: 6775]

(نبی کریم صلی اللہ علیہ وسلم نے فرمایا:)
”خالد بن ولید اللہ کے کیا ہی اچھے بندے ہیں، وہ اللہ کی تلواروں میں سے ایک تلوار ہیں۔“ [صحيح الجامع الصغير وزيادته/حرف النون./حدیث: 6776]

(نبی کریم صلی اللہ علیہ وسلم نے فرمایا:)
”اس غلام کے لیے کیا ہی اچھی بات ہے جو اپنے رب کی اچھی عبادت کرتا ہو اور اپنے مالک کا خیرخواہ ہو اور اسی حالت میں فوت ہو جائے، اس کے لیے کیا ہی اچھی بات ہے۔“ [صحيح الجامع الصغير وزيادته/حرف النون./حدیث: 6777]

(نبی کریم صلی اللہ علیہ وسلم نے فرمایا:)
”دو نعمتیں ایسی ہیں جن کے بارے میں اکثر لوگ خسارے میں ہیں: صحت اور فراغت۔“ [صحيح الجامع الصغير وزيادته/حرف النون./حدیث: 6778]

(نبی کریم صلی اللہ علیہ وسلم نے فرمایا:)
”مومن کی روح اس کے قرض کے سبب رکی رہتی ہے، یہاں تک کہ اس کا قرض ادا کر دیا جائے۔“ [صحيح الجامع الصغير وزيادته/حرف النون./حدیث: 6779]

(نبی کریم صلی اللہ علیہ وسلم نے فرمایا:)
”آدمی کا اپنے گھر والوں پر خرچ کرنا صدقہ ہے۔“ [صحيح الجامع الصغير وزيادته/حرف النون./حدیث: 6780]

(نبی کریم صلی اللہ علیہ وسلم نے فرمایا:)
”ہم ان کے ساتھ کیے گئے عہد کو پورا کریں گے، اور ان کے خلاف اللہ سے مدد چاہیں گے۔“ [صحيح الجامع الصغير وزيادته/حرف النون./حدیث: 6781]