(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک تم ترکوں سے نہ لڑ لو، جن کی آنکھیں چھوٹی، چہرے سرخ اور ناک چپٹی ہوں گی، گویا ان کے چہرے چمڑے سے منڈھی ہوئی ڈھالیں ہوں گی۔ اور قیامت اس وقت تک قائم نہیں ہو گی جب تک تم ایسی قوم سے نہ لڑ لو جن کی جوتیاں بالوں کی ہوں گی۔ اور تم میں سے کسی پر ایسا وقت ضرور آئے گا کہ اسے مجھے دیکھنا اپنے اہل و مال کے برابر ملنے سے زیادہ محبوب ہو گا۔“ [صحيح الجامع الصغير وزيادته/حرف اللام ألف./حدیث: 7413]

(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک تم یہود سے نہ لڑ لو، یہاں تک کہ وہ پتھر بھی، جس کے پیچھے یہودی چھپا ہو گا، کہے گا: اے مسلمان! میرے پیچھے ایک یہودی ہے، اسے قتل کر دے۔“ [صحيح الجامع الصغير وزيادته/حرف اللام ألف./حدیث: 7414]

(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک تم عجمیوں میں سے خوز اور کرمان سے نہ لڑ لو، جن کے چہرے سرخ، ناک چپٹی اور آنکھیں چھوٹی ہوں گی، گویا ان کے چہرے چمڑے سے منڈھی ہوئی ڈھالیں ہوں گی اور ان کی جوتیاں بالوں کی ہوں گی۔“ [صحيح الجامع الصغير وزيادته/حرف اللام ألف./حدیث: 7415]

(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک تم ایسی قوم سے نہ لڑ لو جن کی آنکھیں چھوٹی اور چہرے چوڑے ہوں گے، گویا ان کی آنکھیں ٹڈی کی آنکھوں جیسی اور ان کے چہرے چمڑے سے منڈھی ہوئی ڈھالوں جیسے ہوں گے، وہ بالوں کی جوتیاں پہنیں گے اور چھوٹی ڈھالیں استعمال کریں گے، یہاں تک کہ وہ اپنے گھوڑے کھجور کے درختوں سے باندھیں گے۔“ [صحيح الجامع الصغير وزيادته/حرف اللام ألف./حدیث: 7416]

(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک دو بڑی جماعتیں آپس میں جنگ نہ کر لیں جن کا دعویٰ ایک ہی ہو گا، اور قیامت اس وقت تک قائم نہیں ہو گی جب تک تقریباً تیس جھوٹے دجال ظاہر نہ ہو جائیں، ان میں سے ہر ایک یہ دعویٰ کرے گا کہ وہ اللہ کا رسول ہے۔“ [صحيح الجامع الصغير وزيادته/حرف اللام ألف./حدیث: 7417]

(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک میری امت کے کچھ قبیلے مشرکوں سے جا نہ ملیں اور بتوں کی پوجا نہ ہونے لگے، اور بے شک میری امت میں تیس جھوٹے ہوں گے، ان میں سے ہر ایک یہ دعویٰ کرے گا کہ وہ نبی ہے، حالانکہ میں خاتم النبیین ہوں، میرے بعد کوئی نبی نہیں۔“ [صحيح الجامع الصغير وزيادته/حرف اللام ألف./حدیث: 7418]

(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک بیت اللہ کا حج ہونا بند نہ ہو جائے۔“ [صحيح الجامع الصغير وزيادته/حرف اللام ألف./حدیث: 7419]

(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک زمین پر ”اللہ، اللہ“ کہنا باقی نہ رہے۔“ [صحيح الجامع الصغير وزيادته/حرف اللام ألف./حدیث: 7420]

(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک لوگ مسجدوں کی آرائش میں ایک دوسرے پر فخر جتانے نہ لگیں۔“ [صحيح الجامع الصغير وزيادته/حرف اللام ألف./حدیث: 7421]

(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک زمانہ سمٹ نہ جائے، سال مہینے کی طرح، مہینہ ہفتے کی طرح، ہفتہ دن کی طرح، دن گھڑی کی طرح، اور گھڑی آگ کے بھڑکنے جتنی مختصر ہو جائے گی۔“ [صحيح الجامع الصغير وزيادته/حرف اللام ألف./حدیث: 7422]