(نبی کریم صلی اللہ علیہ وسلم نے فرمایا:)
”یہ مت کہو «السَّلَامُ عَلَى اللَّهِ» (اللہ پر سلامتی ہو) کیونکہ اللہ خود ہی سلام ہے، بلکہ یوں کہو: «التَّحِيَّاتُ لِلَّهِ وَالصَّلَوَاتُ وَالطَّيِّبَاتُ السَّلَامُ عَلَيْكَ أَيُّهَا النَّبِيُّ وَرَحْمَةُ اللَّهِ وَبَرَكَاتُهُ السَّلَامُ عَلَيْنَا وَعَلَى عِبَادِ اللَّهِ الصَّالِحِينَ» (تمام قولی، بدنی اور مالی عبادتیں اللہ ہی کے لیے ہیں، اے نبی! آپ پر سلامتی ہو اور اللہ کی رحمت اور اس کی برکتیں، ہم پر اور اللہ کے نیک بندوں پر سلامتی ہو) کیونکہ جب تم یہ کہتے ہو تو یہ آسمان اور زمین میں ہر بندے تک پہنچتا ہے، «أَشْهَدُ أَنْ لَا إِلَهَ إِلَّا اللَّهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ» (میں گواہی دیتا ہوں کہ اللہ کے سوا کوئی سچا معبود نہیں اور میں گواہی دیتا ہوں کہ محمد صلی اللہ علیہ وسلم اس کے بندے اور رسول ہیں)، پھر جو دعا اسے پسند ہو وہ چن لے اور اس کے ساتھ دعا کرے۔“ [صحيح الجامع الصغير وزيادته/حرف اللام ألف./حدیث: 7403]

(نبی کریم صلی اللہ علیہ وسلم نے فرمایا:)
”یہ مت کہو ”الکرم“، بلکہ کہو ”العنب“ اور ”الحبلہ“۔“ [صحيح الجامع الصغير وزيادته/حرف اللام ألف./حدیث: 7404]

(نبی کریم صلی اللہ علیہ وسلم نے فرمایا:)
”منافق کو ”ہمارے سردار“ مت کہو، کیونکہ اگر وہ واقعی تمہارا سردار ہوا تو تم نے اپنے رب کو ناراض کر دیا۔“ [صحيح الجامع الصغير وزيادته/حرف اللام ألف./حدیث: 7405]

(نبی کریم صلی اللہ علیہ وسلم نے فرمایا:)
”یہ مت کہو ”جو اللہ چاہے اور فلاں چاہے“، بلکہ کہو ”جو اللہ چاہے پھر فلاں چاہے“۔“ [صحيح الجامع الصغير وزيادته/حرف اللام ألف./حدیث: 7406]

(نبی کریم صلی اللہ علیہ وسلم نے فرمایا:)
”قیامت صرف بدترین لوگوں پر ہی قائم ہو گی۔“ [صحيح الجامع الصغير وزيادته/حرف اللام ألف./حدیث: 7407]

(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک میری امت پہلی امتوں کے طریقے بالشت بہ بالشت اور ہاتھ بہ ہاتھ اختیار نہ کر لے۔ عرض کیا گیا: یا رسول اللہ! کیا فارس اور روم کی طرح؟ آپ صلی اللہ علیہ وسلم نے فرمایا: اور لوگ ان کے سوا اور کون ہیں؟“ [صحيح الجامع الصغير وزيادته/حرف اللام ألف./حدیث: 7408]

(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک حجاز کی سرزمین سے ایک آگ نہ نکلے جو بُصریٰ میں اونٹوں کی گردنوں کو روشن کر دے گی۔“ [صحيح الجامع الصغير وزيادته/حرف اللام ألف./حدیث: 7409]

(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک قبیلہ دوس کی عورتوں کے سرین ذوالخلصہ کے گرد نہ ہلنے لگیں۔“ [صحيح الجامع الصغير وزيادته/حرف اللام ألف./حدیث: 7410]

(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک سورج مغرب کی طرف سے طلوع نہ ہو جائے، پس جب وہ طلوع ہو گا اور لوگ اسے دیکھیں گے تو سب کے سب ایمان لے آئیں گے، لیکن یہ وہ وقت ہو گا جب کسی ایسے شخص کو اس کا ایمان فائدہ نہیں دے گا جو پہلے سے ایمان نہیں لایا تھا یا اس نے اپنے ایمان میں کوئی نیکی نہیں کمائی تھی۔ اور قیامت اس حال میں قائم ہو گی کہ دو آدمیوں نے اپنے درمیان کپڑا پھیلا رکھا ہو گا تو وہ نہ اسے بیچ سکیں گے اور نہ ہی سمیٹ سکیں گے۔ اور قیامت اس حال میں قائم ہو گی کہ ایک آدمی اپنی اونٹنی کا دودھ لے کر لوٹا ہو گا تو وہ اسے پی نہیں سکے گا۔ اور قیامت اس حال میں قائم ہو گی کہ ایک آدمی اپنا حوض لیپ رہا ہو گا تو وہ اس میں جانوروں کو پانی نہیں پلا سکے گا۔ اور قیامت اس حال میں قائم ہو گی کہ ایک آدمی اپنا لقمہ منہ تک اٹھا چکا ہو گا تو وہ اسے کھا نہیں سکے گا۔“ [صحيح الجامع الصغير وزيادته/حرف اللام ألف./حدیث: 7411]

(نبی کریم صلی اللہ علیہ وسلم نے فرمایا:)
”قیامت اس وقت تک قائم نہیں ہو گی جب تک سورج مغرب کی طرف سے طلوع نہ ہو جائے، پس جب وہ مغرب کی طرف سے طلوع ہو گا اور لوگ اسے دیکھیں گے تو سب کے سب ایمان لے آئیں گے، لیکن یہ وہ وقت ہو گا جب کسی ایسے شخص کو اس کا ایمان فائدہ نہیں دے گا جو پہلے سے ایمان نہیں لایا تھا۔“ [صحيح الجامع الصغير وزيادته/حرف اللام ألف./حدیث: 7412]