محمد بن ابی رزین رحمہ اللہ کی والدہ بیان کرتی ہیں کہ ام الحریر کا یہ حال تھا کہ جب عرب کا کوئی آدمی فوت ہوتا تو ان پر بہت گراں گزرتا۔ ان سے کہا گیا: ”اے ام الحریر! کیا بات ہے کہ جب کوئی عرب فوت ہوتا ہے تو آپ پر بہت شاق گزرتا ہے؟“ انہوں نے کہا: ”میں نے اپنے آقا سے سنا، وہ بیان کرتے تھے کہ رسول اللہ صلی اللہ علیہ وسلم نے فرمایا: ”عربوں کی ہلاکت قیامت کے قریب آنے کی علامات میں سے ہے۔““ محمد بن رزین رحمہ اللہ نے کہا: ”ام الحریر کے آقا سیدنا طلحہ بن مالک رضی اللہ عنہ تھے۔“
امام طبرانی رحمہ اللہ فرماتے ہیں: ”یہ حدیث طلحہ بن مالک رضی اللہ عنہ سے اسی سند کے ساتھ مروی ہے، اس کے علاوہ نہیں، سلیمان بن حرب اس کی روایت میں منفرد ہیں۔“ [المعجم الأوسط/باب الألف/حدیث: 2557]