سیدنا جابر رضی اللہ عنہما سے روایت ہے کہ نبی صلی اللہ علیہ وسلم نے سیدنا ابوطیبہ رضی اللہ عنہ کو حکم دیا، تو انہوں نے غروبِ آفتاب کے وقت پچھنے لگائے، پھر آپ صلی اللہ علیہ وسلم نے انہیں روزہ افطار کے وقت (پچھنے لگانے کا) حکم دیا، چنانچہ انہوں نے پچھنے لگائے، پھر آپ صلی اللہ علیہ وسلم نے ان سے دریافت فرمایا: ”تمہارا خراج کتنا ہے؟“ انہوں نے عرض کیا: ”دو صاع۔“ تو نبی صلی اللہ علیہ وسلم نے ان کے لیے ایک صاع کم کر دیا۔
جعفر بن برقان رحمہ اللہ سے اس حدیث کو سعید بن یحییٰ رحمہ اللہ کے علاوہ کسی نے روایت نہیں کیا، اور ان سے اسے روایت کرنے میں ہشام بن عمار رحمہ اللہ منفرد ہیں۔ [المعجم الأوسط/باب العين/حدیث: 4527]