سیدنا علی رضی اللہ عنہ سے روایت ہے کہ انہوں نے فرمایا: ”نبی اکرم صلی اللہ علیہ وسلم جب (رمضان کے) آخری دس دن شروع ہوتے تو (عبادت و ریاضت میں) خود بھی خوب محنت فرماتے اور آپ صلی اللہ علیہ وسلم کے گھر والے بھی خوب محنت کرتے۔“
اس حدیث کو ابو اسحاق رحمہ اللہ سے، انہوں نے اسود رحمہ اللہ سے، سوائے عنبسہ رحمہ اللہ کے کسی اور نے روایت نہیں کیا، اور ان سے اس کی روایت میں احمد بن ابی طیبہ رحمہ اللہ منفرد ہیں۔ [المعجم الأوسط/باب العين/حدیث: 4828]