سیدنا عبداللہ بن عمر رضی اللہ عنہما کے پاس ایک شخص آیا اور ان سے سوال کیا (کچھ مانگا)، تو انہوں نے اپنا عمامہ اس کی طرف پھینک دیا۔ حاضرین میں سے کسی نے ان سے کہا: ”اگر آپ اسے ایک درہم دے دیتے تو کافی ہو جاتا۔“ تو سیدنا ابن عمر رضی اللہ عنہما نے فرمایا: ”میں نے رسول اللہ صلی اللہ علیہ وسلم کو فرماتے ہوئے سنا: ”بے شک نیکی میں سے یہ بھی ہے کہ آدمی اپنے باپ کے دوست سے صلہ رحمی اور حسنِ سلوک کرے۔“ اور یہ شخص (میرے والد) سیدنا عمر رضی اللہ عنہ کا دوست تھا۔“
امام طبرانی رحمہ اللہ فرماتے ہیں: ”اس حدیث کو وسیم بن جمیل سے قتیبہ کے سوا کسی نے روایت نہیں کیا۔“ [المعجم الأوسط/باب الميم/حدیث: 7997]