سیدنا عبداللہ بن عمر رضی اللہ عنہما سے روایت ہے کہ نبی کریم صلی اللہ علیہ وسلم نے عبداللہ بن جدعان سے فرمایا: ”جب تم جوتا خریدو تو عمدہ دیکھ کر خریدو، اور جب کپڑا خریدو تو عمدہ دیکھ کر خریدو، اور جب کوئی سواری کا جانور خریدو تو تندرست و توانا اور فربہ جانور تلاش کرو، اور جب تمہارے پاس کسی قوم کی کوئی معزز (خاتون یا شخصیت) ہو تو اس کی خوب عزت و تکریم کرو۔“
امام طبرانی رحمہ اللہ فرماتے ہیں: ”اس حدیث کو نافع رحمہ اللہ سے ابو امیہ بن یعلیٰ کے سوا کسی نے روایت نہیں کیا، اور اس میں حاتم بن سالم منفرد ہیں۔“ [المعجم الأوسط/باب الميم/حدیث: 8295]