سیدنا عبداللہ بن عمرو رضی اللہ عنہما سے روایت ہے کہ نبی کریم صلی اللہ علیہ وسلم جب سفر میں جلدی ہوتی تو مغرب اور عشاء کو جمع فرما لیا کرتے تھے۔
(امام طبرانی رحمہ اللہ فرماتے ہیں:) ”اس حدیث کو عبدالکریم رحمہ اللہ سے سفیان بن عیینہ رحمہ اللہ کے سوا کسی نے روایت نہیں کیا، اس کی روایت میں ابو مسلم رحمہ اللہ منفرد ہیں۔“
(محقق کا حاشیہ:) دار الحرمین اور طحان کے مطبوعہ نسخوں میں اسی طرح ہے، اور سلیمانیہ کے نسخے میں بھی ایسا ہی ہے، لیکن یہ غلط اضافہ ہے، کیونکہ ابو مسلم مستملی ہی عبدالرحمن بن یونس ہیں، اور مصنف کے ہاں کئی مقامات پر یہ درست طور پر آیا ہے؛ ان کا ترجمہ تہذیبین وغیرہ میں دیکھیے۔ [المعجم الأوسط/باب الميم/حدیث: 8584]