عباد بن شرحبیل رضی اللہ عنہ فرماتے ہیں کہ میں مدینہ آیا اور مجھے سخت بھوک لگی ہوئی تھی، میں ایک باغ میں داخل ہوا اور پھل دار شاخ کو پکڑ کر اس سے کھالیا اور کچھ اپنے کپڑے میں ڈال لیا، باغ والا آگیا، اس نے مجھے مارا بھی اور مجھ سے توڑا ہوا پھل بھی چھین لیا، راوی فرماتے ہیں کہ پھر ہم دونوں (باغ والا اور عباد بن شرحبیل رضی اللہ عنہ) نبی صلی اللہ علیہ وسلم کی طرف چلے اور آپ صلی اللہ علیہ وسلم کے سامنے واقعے کا تذکرہ کیا، نبی صلی اللہ علیہ وسلم نے فرمایا: ”اگر یہ نہیں جانتا تھا تو آپ اس کو سکھا دیتے اور آپ نے اس کو بھوک کی وجہ سے کھلایا بھی نہیں۔“ آپ صلی اللہ علیہ وسلم نے مجھے ایک وسق جو کا حکم دیا۔ [السنن الكبرى للبيهقي/كتاب الضحايا/حدیث: 19661]