سیده ام فضل بنت حارث رضی اللہ عنہا بیان کرتی ہیں: نبی اکرم صلی اللہ علیہ وسلم نے سیدہ ام حبیبہ بنت عباس رضی اللہ عنہا کو دیکھا، جن کی عمر دودھ چھڑانے سے کچھ زیادہ تھی، تو نبی اکرم صلی اللہ علیہ وسلم نے فرمایا: اگر سیدنا عباس کی یہ صاحبزادی بالغ ہو گئی، اور میں اس وقت زندہ ہوا، تو میں اس کے ساتھ ضرور شادی کروں گا۔
یہ روایت امام أحمد نے اور امام طبرانی نے نقل کی ہے، اور انہوں نے یہ الفاظ زائد نقل کیے ہیں: ”اس لڑکی کے بالغ ہونے سے پہلے، نبی اکرم صلی اللہ علیہ وسلم کا وصال ہو گیا، تو اسود بن عبداللہ نے اس خاتون کے ساتھ شادی کی تھی اور اس خاتون نے اُن کے بچے رزق بن اسود، اور لبابہ بن اسود کو جنم دیا تھا، سیدہ ام فضل رضی اللہ عنہا نے اس لڑکی کا نام اپنے نام پر ”ام فضل“ رکھا تھا۔
یہ روایت امام ابویعلیٰ نے نقل کی ہے، ان دونوں کی سند میں ایک راوی حسین بن عبداللہ بن عباس ہے اور وہ متروک ہے، یحیی بن معین نے ایک روایت کے مطابق اسے ثقہ قرار دیا ہے۔ [مجمع الزاوئد ومنبع الفوائد/كتاب النكاح/حدیث: 7456]